San Grigoriu II di Agrigentu
Grigoriu II di Agrigentu (Agrigentu, 559 - Agrigentu, 630) è un Santu viscuvu, viniratu da Cresia Cattolica.
Aggiografìa
[cancia | cancia la surgenti]Nasciu a Pretoriu, forsi Sella di Naru, villaggiu supra Agrigentu. Lu patri si chiamava Carituni e la matri Teodota; fu vattiatu du viscuvu Potamiuni. Damianu, omu di Diu, ‘nsignò a Grigoriu a leggiri e scriviri, a fari li cunti e mannàri a memoria lu Salteriu (li 150 Salmi). A diciott’anni ju a visitari a Terra Santa unni fu fattu jacunu dû viscuvu Macariu; studiò la grammatica, la filosofia, l’astrunumia e passò a Custantinopuli. Lu viscuvu lu chiamò l’Occhiu da Cresia e lu fici participari o Cunciliu Ecumenicu Sestu. O ritornu di Gerusalemmi passò di Licata e partìu pi Roma. Lu Papa lu fici circàri nò Munasteriu di Sant’Erasimu e lu vosi fari viscuvu di Agrigentu. Contra d’iddu ci foru accusi gravi, fu misu ‘n carciri e doppu du’ anni e menzu ci fu lu prucessu. Ma fu assulvutu di tutti l’accusi. Riturnatu a Agrigentu si stabiliu vicinu lu tempiu di Casturi e Pullùci, ca trasformò in Cresia didicata all’Apostuli Petru e Paulu. Na l’ultimi anni da so vita si ritirò comu rimitu. Lassò un Cummentu supra lu Libru di l’Ecclesiasti. E’ cunsidiratu un grandi esigeta da Patristica greca; San Grigoriu Magnu parra d’iddu ne’ so Littri. Murìu nò 630. E' fistiggiatu puru da Cresia Ortudossa. La festa è lu 25 di nuvèmmiru. Nò 2005 fu fattu Patronu di beni archeologici e artistici.