San Franciscu di Paula

Dâ Wikipedia, la nciclupidìa lìbbira.
Tila di Bacciu d’Agnulu ( 1462- 1543 ) na Cresia di l’Annunziata a Muntaltu Uffugu ( CS )

Franciscu di Paula (Paula, 27 di marzu 1416 - Plessis-les-Tours, 2 di aprili 1507) fu un riligiusu talianu, fattu Santu di Liuni X no 1519. Funnò l’Ordini dî Minimi; fu un Santu rimitu; è lu Patronu principali da Calabbria.

Aggiografìa[cancia | cancia la surgenti]

Franciscu nasciu a Paula (CS) e fu chiamatu accussì pi devuzioni da matri, Vienna di Fuscaldu, all'omonimu santu di Assisi. Quannu ebbi 15 anni sò patri e sò matri lu purtaru a San Marcu Argentanu ne frati franciscani.
Prima di fari na scelta difinitiva vosi fari un pilligrinaggiu a Assisi, passannu di Munticassinu, Roma e Loretu. A Roma fu scannaliatu du lussu e di l’abitudini di cardinali da Cresia rumana e no sò animu pinsò a na riforma vissuta nà puvertà comu pridicava u Vangelu. Turnatu a Paula cuminciò a fari lu rimitu na una grutta: durmìa ’n terra cu na petra pi cuscinu, manciava erbi e radichi. Autri pilligrini e rimiti si vosiru accumpagnari cu iddu e accussì dumannò lu pirmissu di fari un Cummentu a Paula o Viscuvu di Cusenza, Pirru Caracciulu. No 1472 e 1474 fici autri Cummenti a Paternu, a Spezzanu, Curiglianu e Milazzu.
La so fama arrivò finu n Francia â curti di Luigi XI ca era assai malatu. Lu Re dumannò ô Papa Sistu IV di mannarici lu rimitu di Paula. A 66 anni lassò la so terra e partiu pâ Francia, passannu di Napuli e Roma. Lu Papa, però nun ci vosi appruvari la Regula picchì era troppu sivera. Pi 25 anni fu uspitatu dî Re francisi e la so Cungrigazioni, ca vosi chiamari dî Minimi, cuminciò a fari vita ‘n cumuni. Franciscu muriu a 91 anni a Plessis-les-Tours lu 2 aprili 1507.
No 1562 li Ugunotti dettiru focu o corpu dû Santu. La fama di Franciscu, chî tri rami da Famigha minima (frati, monachi e terziari) si diffunniu na tutta l’Europa. Fu biatificatu lu 7 di giugnettu 1513 e fattu Santu lu 1 di maiu 1519.
Lu 27 di marzu 1943 lu Papa Piu XII lu fici “Patronu da genti di mari“ e lu 2 di giugnu 1962 Giuvanni XXIII lu fici “Patronu da Calabbria”.

Li riliqui[cancia | cancia la surgenti]

Si sarvaru picca ossa , purtati a Paula ntô 1935 e na Cresia di Tours di Nostra Signura di La Riche.

Liami[cancia | cancia la surgenti]