San Birnardu Tolomei

Birnardu Tolomei (Siena, 10 di maju 1272 – 20 di austu 1348) è un Riliggiusu talianu, Funnaturi da Cungrigazioni Binidittina di Santa Maria di Munti Ulivetu, viniratu da Cresia Cattolica.

Biografìa

Birnardu Tolomei nasciu a Siena lu 10 maju 1272 e fu vattiatu cû nomu di Giuvanni. Nâ sò Citati fici parti da Cunfraternita di Disciplinati, ca era attiva nò Spitali di Santa Maria da Scala. Quannu ebbi quarant’anni cu dui patrizi di Siena, Ambroggiu Piccolomini e Patriziu Patrizi si ritirò a Accona unni pigghiò lu nomi di Birnardu e cunnucìu vita di rimitu dintra e grutti. Facìa vita di prijera, sulitudini, silenziu e travagghiu manuali. Versu lu 1319 vitti na scala unni acchianavanu li monaci, aiutati di l’ancili, versu lu Signuri e la Madonna. Birnardu ju nò Viscuvu di Arezzu pi fari approvari lu gruppu di monaci suttu la Regula di San Binidittu. Pi onorari a Matri di Diu li monaci si misiru na vesti bianca. Lu desertu di Accona addintò Munti Ulivetu; l’abbati avia a durari un annu e cunfirmatu du Viscuvu; nô 1322 li monaci ficiru abbati Birnardu. La Cungrigazioni fu appruvata dû Papa Climenti VI cu dui Littri. Munti Ulivetu addivintò la Casa Matri cu n’abbati e l’autri Casi cu un Priuri. Birnardu fici chiamari dû Papa la so Cungrigazioni Santa Maria di Munti Ulivetu. Duranti la pesti du 1348 vosi iri a Siena e dà murìu cu stu mali lu 20 austu a 76 anni. Restanu d’iddu sittantatrì littri e na Predica. Fu cunsidiratu Biatu di l’Ordini du seculu XV e u Decretu da Cungrigazioni di Riti è du 26 novemmiri 1644. Fu dichiaratu Santu du Papa Binidittu XVI u 26 aprili 2009.

Riliquii

Nun si potti truvari lu sò Corpu pirchì fu sippillutu nâ quacìna viva ‘nsemmula a l’autri appistati.

Liami

Situ du Vaticanu
Scheda di Santi e Biati
www.sanbernardotolomei.it