San Bacchilu primu Viscuvu di Missina

Tila di G. B. Langetti du sec. XVII nò Museu Riggiunali di Missina

Bacchilu (Missina ? - Missina 68 d.C.) è un Santu viniratu da Cresia Cattolica.

Aggiografia

Secunnu n’antica tradizzioni e a cronutassi di Viscuvi di Missina, Bacchilu fu u primu Viscuvu da Citati, cunsacratu du stessu Apostulu Paulu nò 43 d.C.. Fu iddu, sempri sicutannu a tradizzioni, ca cu autri citatini missinisi ju a Gerusalemmi (o forsi a Efesu) pi ‘ncuntrari a Maria Virgini, a Matri di Jesù Cristu. Idda scrissi ( ? ) na littra e Missinisi e a attaccò cu na picca di sò capiddi. A littra fu purtata a Missina unni a Madonna fu ‘nvucata comu a Bedda Matri da Sacra Littra e dichiarata Patruna da Citati. A sò morti, nall’annu 68 doppu Cristu, fu eliggiutu Viscuvu unu ca forsi si chiamava Barchiriu, ma i storici moderni sunnu cuntrari, picchì ci pari na sturpiatura di Bacchilu. A sò festa era cilibbrata finu o 1968 nà Diocesi di Missina o 25 Jnnaru.

Bibbliografia

• Chiarellu, Memorii Sacri da Civitati di Missina, 1705.
• Juvanni Vangilista Di Blasi, Storia du Regnu di Sicilia, Palermu, 1844.