Sònniru

Lu sònniru è pruduciutu dâ menti ntô mentri dô sonnu. Ntê sònnira si ponnu pruvari sinzazzioni, sintimenti, pinzera di cosi e fatti ca appiddaveru sù accapitati, o ca putìssiru accapitari ntâ rialitati; pirò chista è na rialitati assai voti stracanciata, ma ntô sònniru idda appari macari pussìbbili e vera.
La menti nta sta situazzioni s'attrova cumpritamenti strugghiuta dâ nicissitati d'adattàrisi a zoccu c'è ntô munnu riali, ma si lassa cuvirnari di liggi ca arrispùnnunu a li sintimenti pirsunali, fora dî lòggichi e rèuli dittati dâ sucitati.

Lu stùdiu e l'anàlisi dê sònnira ponnu èssiri ùtili pi capiri comu funziona la menti di l'omu e rapprisenta na tècchinica assai mpijata ntê vàrii furmi di psicutirapìa e spiciarmenti 'n psicuanàlisi.