Rusariu

Dâ Wikipedia, la nciclupidìa lìbbira.
abbiccidariu St'artìculu è scrivutu n sicilianu standard, si stà circannu l'artìculu scrivutu 'n calabbrisi di Sellia Marina (CZ), vidi Rosariu.


Nu Rusariu

Lu rusariu è na prijiera a furma di litanìa tìpica dû ritu cristianu cattolicu. L'urìggini sunnu tardumediuvali: vinni istituitu di l'òrdini duminicanu e spannutu, spiciarmenti dû Seicentu, grazzi a li Cunfraterniti dô Santu Rusariu. No assennu mumentu dâ liturgìa dâ Crèsia, sta pràtica appi canciamenti ntra lu passari dê sèculi.

La prijera cunzisti nta cincu sèrii di deci Avi Marìi junciuti ccu la miditazzioni dî Misteri (ca sunnu episodi cchiù significativi dû vangelu) . Lu nomu voli diri "curuna dî rosi", arrifirennusi a lu ciuri marianu p'iccillenza, sìmmulu di Maria. La virsiuni ntigrali , aoggi picca canusciuta, privedi la recita di tutti li vinti misteri e, doppu la recita, di ducentu avimarii .

Arricitata di lu Rusariu[cancia | cancia la surgenti]

S'accumincia cu lu signu di la cruci.

Si dìciunu :

  • Nu Patri nostru
  • Tri Avi Maria ca arrichiamanu a li tri virtuti tiulujali (la fidi, la spiranza e la caritati)
  • E nu Groria a lu Patri

S'annunca si dìciunu:

  • Diu, venimi a sarbari. Signuri, venimi prestu a agghiutari.
  • E nu Groria a lu Patri

Si diciunu cincu dicini, priciduti di lu richiamu di lu Misteru. Ogni dicina èni faciuta di:

  • Nu Patri nostru
  • Deci Avi Marî
  • Nu Groria a lu Patri
  • E û spissu, doppu a lu Groria, si dici la prijera di la Madonna di Fatima: «Gisù me, pirduna li nostri curpi, sarbini di lu focu di lu nfernu, portini nta lu cielu li nostri armi, supratuttu chiddi cchiù abbisugnusi di la to misiricordia».

S'annunca lu Aternu riposu siddu s'attratta di nu funirali.

Doppu di li cincu dicini, s'arrecitanu:

  • N' Ancilu Custodi
  • N' Aternu riposu
  • E nu Sarbi Riggina .

Ogniduna di sti prijera veni faciuta nta la forma arrispunzariali: pi mitati di li chistiana ca leggiunu li misteri, e pi mitati di tutti l'autri, tranni ca pi lu Sarbi Riggini e pi la prijera di Fatima ca venunu diciuti di tutti pari.

Si ponnu macari arricitari una di sti prijeri:

  • Litanìi Lauretani
  • Prijata pi San Giuseppi
  • Prijata pi San Micheli Arcancilu
  • Prijata a lu Cori Ammaculatu di Maria
  • Sub tuum praesidium.

Si finisci cu lu signu di la cruci.