Ronaldinho

Dâ Wikipedia, la nciclupidìa lìbbira.

Ronaldo de Assis Moreira, canusciutu puru comu Ronaldinho è un jucaturi ri palluni ri ruolu triquartista ri l'Atletico Mineiro e dda nazionali ru Brasile, vinciu a Coppa ru Munnu 'nno 2002 e u Palluni r'uaru 'nno 2005, 'nno 2004 Pelè u misi 'nna lista ri 100 Megghiu jucatura ancuora vivi.

Maniera ri jucari

E' troppu fuorti nall' unu contr'a unu, infatti sapi fari un munsieddu ri dribbling. E' unu r'i megghiu registi ru munnu picchì avi na buona visiuoni ru juocu egghi è puru bravu a tirari in puorta e nn'e cavuci chiazzati ri fiermu. Po gghiucari triquartista oppuru comu prima punta.

Carriera

Quannu era picciuttieddu accuminciò a jucari 'nne' settori giovanili ru Grèmio e si fici abbiriri subitu p'u talientu c' avieva e u misiru 'nna prima squadra 'nno 1998. 'Nno 2001 s' accattò u PSG pi cualchi 6,5 miliuna ri euri e fici 'nta ru' anni 17 gol 'nta 50 partiti A lugliu ru 2003 s' accattò u Barcellona pi 30 miliuna ri euri e chistu fu u megghiu periodo ra so carriera, infatti fu quannu era 'nna 'sta squadra ca addivintò u megghiu ru munnu pi 'ddi tiempi. C' u Barcellona vinciu 2 Campionati Spagnuoli, 'na Champions League faciennu gol spettacolari ca arristaru 'nna storia ru jocu ri palluni. U 2008 un fu annu buonu pi iddu picchì 'nna ddu annu ci capitaru un saccu r' infortuni equinni un jucò tant' assai. A lugliu s' accattò u Milan pajannulu 21 miliuna e accuminciò n' avutra avventura. C' u Milan un vinciu nienti però 'nna ddi anni rietti na manu ai so cumpagni ri squadra rannu assist e faciennu 95 partiti e 26 gol. 'Nno 2011 l' allenatore Massimiliano Allegri un'u fici jucari tantu assai e po', infatti, a gennaio turnò in Brasile 'nno Flamengo pi 3 miliuna ri euri. Ddocu ci jucò sulu p'un annu e 5 misi faciennu 28 gol 'nta 72 partiti sienza vinciri nienti faciennu puru causa a' a società ca ci avieva a dari picciuli e un c' i rietti. 'Nno 2012 s' inniu 'nna l' Atletico Mineiro unni joca ancuora uora e unni vinciu a Copa Libertadores, a prima 'nna storia r' a so squadra.