Roh Moo-Hyun
Roh Moo-hyun (hangul: 노무현)(IPA: [no.mu.hjʌn]) (6 di austu 1946, Gimhae, South Gyeongsang) è lu Prisidenti dâ Corea dû Sud dô 25 di frivaru 2003. Prima di tràsiri 'n pulìtica, Roh era n'avvucatu dê diritti umani.
La sò carrera pulìtica, ca fu assai diticata ô tintativu di vìnciri lu riggiunalìsimu ca stava pigghiannu sempri cchiù pedi intra la vita pulìtica dâ Corea dû Sud, lu purtau appoi a la sò alizzioni a la prisidenza. Lu bisognu di nu rifurmista libbirali e la prisenza di nu partitu "cuntru li miricani", purtaru a la vittoria di Roh.
Tra li cchiù mpurtanti mossi pulìtichi di Roh, attruvamu la mpopulari dicisioni di mannari truppi coreani nta l'Iraq, nu tintativu fallitu di spustari la capitali di Seoul a la riggioni di Chungcheong, e n'ufferta di furmari na granni cualizzioni cû partitu cunzirvaturi Hannara (ca si pò traduciri 'n: Granni Partitu Nazziunali) ca fu assai criticata. La mpopularità di Roh vinni alimintata macari di li sò pulitichi ntê confrunti dâ Corea dû Nord, ca fu mutivu di tanti discussioni, speciarmenti doppu la prova nucliari dâ Corea dû Nord.
Lu stòricu ncontru tra li dui Corei
[cancia | cancia la surgenti]Lu 2 di uttùviru 2007, Roh Moo-Hyun appi nu ncontru a Pyongyang, capitali da Corea dû Nord, cô dittaturi Kim Jong e di ddocu li dui capi dê dui Corei, pigghiaru la dicisioni di pruclamari na zona spiciali di paci ntâ costa uccidintali dâ pinìsula.
Ssu documentu vinni pinzatu comu na speci di dichiarazzioni di paci, ca voli anticipari la frimma di nu trattatu ca pò sustituiri l'armistizziu ca ntô 1953 misi fini a la guerra di Corea.