Rìsiku

Dâ Wikipedia, la nciclupidìa lìbbira.
Jump to navigation Jump to search

Lu Rìsiku è unu dî cchiù famusi jòcura di tàvulu ca ci sù ntô munnu; si joca d'un mìnimu di tri a un màssimu di sei jucatura, e si joca usannu carr'armati di plàstica e li dadi, nzèmmula ê carti, si vinci quannu si junci l'ubbittivu ca è scrivutu 'n capu na carta ca veni data a ogni jucaturi a l'inizziu dâ partita.

Lu jòcu ncumencia quannu li jucatura distribbuìscinu 'n basi a li carti c'hannu 'n manu li sò propi carr'armati; si joca attaccannu l'àutri jucatura tirannu li dadi, nfatti li jucatura c'attàccanu ùsanu li dadi russi e chiddi ca s'addifènninu ùsanu chiddi blu. Dintra ogni tiru si ponnu tirari màssimu tri dadi e lu jucaturi c'attacca pò attaccari cu màssimu tutti li carr'armati c'havi nnû sò statu tranni unu, c'havi a ristari nnû statu, mentri chiddi ca s'addifènninu, s'addifènninu cu tutti li carr'armati c'hannu.

Pi capiri cu vincì si cumpròntanu li dadi unu a unu, lu cchiù gantu cu cchiù gantu, lu minzanu cû minzanu e lu cchiù vasciu cû cchiù vasciu, e pi ogni coppia si taliau cu fici cchiossai e ogni coppia vali un carr'armatu ca chiddu ca fici cchiù picca s'havi a livari, siddu tutti dù li dadi si firmaru ncapu lu stissu nùmmaru vinci chidddu c'addifenni. Lu cartilluni rapprisenta tuttu lu munnu, divisu 'n 42 stati e quannu unu cuntrolla un cuntinenti sanu c'attocca un bonus di carr'armati ogni giru, noltri si unu dintra un giru cunquista armenu nu statu c'attocca na carta ca rapprisenta nu statu du munnu e na fiura o d'un fanti o d'un cannuni o d'un cavaleri, nu mazzu ci sù videmma dù jolly; quannu un jucaturi havi tri carti uguali, o tri carti diversi, o un joly e dù carti uguali ci tocca di putiri scanciari sti carti e pigghiàrisi un bonus di carr'armati 'n basi ê carti c'havi. Tri cannuna vàlinu quattru carr'armati, tri fanti sei tri cavaleri ottu, tri diversi deci, dù li stissi e un jolly dudici, noltri siddu unu tra li carti ca scancia havi nu statu ca è sò ci tòccanu dù carr'amati cchiossai.