Pyrus amygdaliformis

Lu Pyrus amygdaliformis, canusciutu ntâ Sicilia cû nomu di "piru piràinu" o " pràinu" o "pràniu", è na speci di piru sarbaggiu câ scòrcia ruppusa e spinusa, ca pò èssiri àutu di 1 a 3 metri. Lu Piru Pràinu ciurisci di aprili a maju: i ciuri sunnu janchi, mentri lu fruttu è di culuri marrò scuru e havi un sapuri ajiru. E' canusciutu e usatu pâ durizza dû sô lignu, bonu pi fari vastuna o vìrichi.