Prubblema dê setti ponti di Königsberg

Lu prubblema dî setti ponti di Königsberg è nu prubblema di topoluggìa furmulatu all'inizziu dû XVIII sèculu. Pigghia spuntu dâ carta dâ cità prussiana di Königsberg (attuarmenti addivintau na cità russa cô nomu di Kaliningrad). All'èbbica lu centru dâ cità era attravirsatu di na seri di ponti chi culligavunu nu quartieri situatu ntî n'isuledda di nu ciumi cu l'autri quartieri, spartuti di canali e culligati di setti ponti. Lu prubblema è: "Cchi è, si pò pàrtiri di nu puntu unnegghiè e agghicari ô stissu puntu, attravirsannu tutti li setti ponti dâ cità sulu na vota?.

Lu prubblema ca si pò furmulari puru n termini dâ tiuria dî grafi fu risurvutu di Liunardu Euleru ntô 1735. Euleru, ca all'èbbica era prufissuri di matimatica a San Pietrubburgu, dimustrau ca d'unneggh'è, è mpussibbili d'agghicari ô punti di partenza attravirsannu sulu na vota tutti li setti ponti.