Pròspiru Inturcetta

Dâ Wikipedia, la nciclupidìa lìbbira.
Jump to navigation Jump to search

Pròspiru Inturcetta (Platia, 28 austu 1626 – Hangzhou, 3 uttùviru 1696) fù nu missiunariu e gisuita sicilianu, primu europeu a tradùciri li òpiri di Cunfuciu.

Pròspiru Inturcetta

Biografìa[cancia | cancia la surgenti]

Pròspiru Inturcetta nascìu a Platia (l’attuali Ciazza) ntô 1626. A sìdici anni si ni jìu ntô culleggiu dê gisuiti di Catania. N sèquitu si spustau ntô culleggiu di Missina unni fu urdinatu sacirdoti. Dopu nu brevi pirìudu a Palermu, ntô 1659 raggiungiu la Cina cu lu gisuita francisi Philippe Couplet. Inturcetta fu nu prufunnu canuscituri dâ filusufia cinisa e primu europeu a traduciri n latinu li òpiri di Cunfuciu. Pruducìu assai traduzzioni latini di òpiri classichi dâ littiratura cinisa e traducìu n cinisa la règula gisuita e li Esercizi Spirituali di Santu Gnazziu di Loyola. Murìu ad Hangzhou ntô 1696 all’età di 70 anni. Supra la sò tomba, ntâ cità di Hangzhou, vulìa ca si scrivissi: di nazzioni sicilianu, di patria chiazzisi, Yn to Ce Kio ssè (la trascrizzioni funètica dû sò nomu: Inturcetta lu chiazzisi).