Porfiriu

Dâ Wikipedia, la nciclupidìa lìbbira.
Jump to navigation Jump to search
Porfiriu.

Porfiriu (grecu: Πορφύριος; Tiru, 234 circa – Roma, 305 circa) fu nu filòsufu e tiòlugu grecu anticu.

Biografìa[cancia | cancia la surgenti]

Uruggunariu dâ Siria, Porfiriu studiau â scola atiniesi, prima di trasfirìrisi a Roma unni canuscìu Plotinu. Accuminciau a travagghiari pi cuntu di Plotinu, n particulari pi riurganizzari e sistimari li sò scritti. Versu lu 268, Porfiriu, cadutu n diprissioni, e cu tinnenzi suicidi, si trasfirìu n Sicilia, unni stesti diversi anni. Tra l'âutri cosi, ntê sò studi si ntirissau all'Etna. Ntô 270, quannu era ancora n Sicilia, ricivitti la nutizzia dâ morti di Plotinu. Quarchi tempu addoppu arriturnau a Roma, e si spusau cu Marcella, na fìmmina matura, vèduva, e già matri di setti figghi.

Lu sò pinseru è neuplatonicu. Fu prufunnamenti anticristianu, Celibbri è lu paradossu ca mintuvava contra lu cristianesimu: Siddu cu lu battesimu unu si lava di tutti li piccati, allura, lu cristianesimu nvita ê peggiu crimini, tantu appoi cô battesimu tutti sunnu lavati. Lu cristianesimu è pirciò contra l'ordini dâ giustizzia.