Pop rock

Pop rock cumprenni na sorta di mùsica chi fa parti dû gèniri rock ndrizzatu a na certa parti dû populu, supratuttu ê giuvani. Giniralmenti è un tipu di musica pupulari e liggera, ed è la musica cchiù rapprisintata ntâ hit parade (o p'autri palori, lu Top 40).

Parrannu ancura giniralmenti, li canzuni chi si sèntinu suprâ radiu, e chi fannu parti dâ hit parade, vennu cunziddirati cchiù comu pop; e li canzuni chi fannu parti dî album di granni successu (e l'artisti chi si riggistranu cchiù l'album dî canzuni a sulu), vennu cunziddirati cchiù comu rock. Ma tanti voti l'artisti e li soi canzuni nun sunnu difintivamenti unu o l'àutru, e veni cchiù còmudu parrannu d'un gèniri chiamatu Pop rock. Stu gèniri si pò diliniari di tali àutri gènira di rock, comu hard rock e heavy metal, ma puru ccà, tanti voti cci attruvamu li ncroci.

Viditi puru:

• Lista dî cchiù granni e celibbri canzuni dâ hit parade.
• Lista dî cchiù granni Artisti cèlibbri di pop rock.
• 1001 songs (1001 canzuni)