Piràmidi di Guimar
Li Piràmidi di Guimar si tròvanu ntô paisi di Guimar supra la costa livanti di l'ìsula di Tenerife, nta l'ìsuli Canarî, nnâ Spagna. Rapprisèntanu quarchi cosa ntrafuleri pi l'archaeoluggisti. Si tràtta di piràmidi cu cincu liveddi nta na forma rittangulari, chi assimìgghianu ê piràmidi fabbricati dî Maya e Aztechi ntô Mèssicu.
Pi tantu tempu veni cridutu ca sti piràmidi èranu nfatti comu un munzeddu di petri misi dî viddani chi zappàvanu la terra. Chissu era na pràtica abbastanti cumuni supra l'ìsuli Canarî. Li cunti dâ pupulazzioni ndìggina suggirisci ca sti piràmidi asistìanu na vota a tanti lochi supra l'ìsula ma vìnniru distrutti pi usàrili comu materî di fabbricazzioni. Nna Guimar stissu cc'èranu novi piràmidi di cui nn'arrèstanu sulamenti sei.
Ntô 1991 lu studiusu cèlibbri Thor Heyerdahl studiau li piràmidi e scuprìu ca nun ponnu èssiri munzeddi fatti ammuzzu. P'asempiu, li petri tèninu simi chi mùstranu ca sunnu stati travagghiati, e la terra era pripirata nnâ manera supra cui cci putìanu fabbricari. Li petri nun vennu dî campi, ma nfatti sunnu petri di lava. Puru Heyerdahl scuprìu l'orientazzioni astrunòmica dî piràmidi.
Liami
[cancia | cancia la surgenti]
|
Nta Commons s'attròvanu àutri mmàggini rilativi a Piràmidi di Guimar. |
- Official webpage of the Ethnological Park (Spagnolu - Ngrisi - Tudiscu)