Picurinu sicilianu

Dâ Wikipedia, la nciclupidìa lìbbira.

Lu Picurinu sicilianu eni un caciu a Dinuminazzioni d'Origgini Prutetta pruduciutu sulu cu latti di pècura nnô tirritoriu sicilianu. (Pruduciutu DOP sicunnu a Regulamentu CE n. 1107/96 dâ Cummissioni dû 12 di giugnu 1996 (Gazzetta ufficiali n. L 148 dû 21/06/1996)).

Caciu a pasta cumpatta janca, dû culuri e sapuri forti, pò èssiri cunsumatu ô liveddu cchiù o menu àutu di staciunatura. Ponnu èssiri jincuti di pipi spezzi: a sta manera lu prudottu veni sulitamenti chiamatu "picurinu pipatu".

Di forma cilìndrica, cu li facci n' anticchia cuncavi, havi nu pisu variàbbili tra li 4 e li 15 kg.

Pruduzzioni[cancia | cancia la surgenti]

Lu picurinu sicilianu veni fattu unicamenti cu latti di pècura nteru, a cui veni agghiunciutu lu cagliu. Si passa poi â salatura, ripituta 2 voti doppu 10 jorna, e â ncanistratura all'urtimata, duranti la quali ponnu èssiri agghiunciuti li grani di pipi spezzi. Lu piriodu di staciunatura è variàbbili, puru siddu lu caciu veni pistiàtu friscu.

Veni prudottu nta tutta la Sicilia, ma suprattuttu nnî provincî di Missina, Girgenti, Caltanissetta, Enna e Trapani.

Storia[cancia | cancia la surgenti]

Lu Picurinu sicilianu eni un caciu chi havi na pruvinenza greca antica. Già nna l'antiquitati ha statu ricanusciutu comu unu dî megghiu càcii. Li soi carattirìstichi càncianu addipenni lu liveddu di staciunatura.