Pasquali Marinu

Dâ Wikipedia, la nciclupidìa lìbbira.
Jump to navigation Jump to search

Pasquali Marinu (Marsala, 13 di giugnettu 1962) è nu allenaturi di palluni sicilianu.

Carrera[cancia | cancia la surgenti]

Jucaturi[cancia | cancia la surgenti]

Crisciutu ntê giuvanili dû Marsala, unni hà jucatu quattru staciuni ntâ Seria C2, lu giòvini cintrucampista passau ntâ staciuni 1984-85 ô Akragas, ntâ Seria C1. Ntô 1986-87 vinni accattatu dû Sarausa,unni jucau li sò megghi tri staciuni, uttinennu ntô 1988-89 la prumuzzioni ntâ Seria C1.

Doppu tri staciuni ccâ Battipagliese, ntô mentri d'unni vinni firmatu di nu tintu nfurtuniu, ntô 1992-93 jucau pi l'ùrtima vota ntâ Seria C1, cu Potenza. La staciuna succissiva stesi ntô Campiunatu Nazziunali Dilittanti cu Missina e â fini chiudennu la sò carrera ntô 1997 doppu tri anni ô Catania.

Allenaturi[cancia | cancia la surgenti]

Quannu finìu la sfurtunata staciuni 1996-97 cu Catania, Marinu accuminciau sùbbitu a allenari ntô Campiunatu Nazziunali Dilittanti cu Milazzu pigghiannu ntô 1997-98 nu secunnu postu e ntô 1998-99 nu nonu. Ntô 1999-00 passau ô Rausa (6° postu, sempri ntê Dilittanti), ntô 2000-01 arriva la sò svolta: veni pigghiatu dû Paternò, unni utteni dui prumuzzioni cunzicutivi dâ Seria D â Seria C1.

Ntô 2002-03 passa ô Foggia e utteni dû novu la prumuzzioni ntâ Seria C1. Mantinuta la catigurìa sempri cu Foggia ntô 2003-04 (9° postu), ntô 2004-05 passa a l'Arezzu ntâ Seria B. Veni sustutuiutu a mità campiunatu di Marco Tardelli, appoi veni chiamatu dû novu e finisci la staciuni ô 14° postu. Ntô 2005-06 turnau ô Calcio Catania, sta vota comu allenaturi, cunquistannu la prumuzzioni ntâ Seria A.

Marinu s'hà fattu canùsciri comu allenaturi assai nnuvativu, ca addòpira nu 3-4-3 (o 4-3-3) assai uffinzivu.

Curiusità[cancia | cancia la surgenti]

Ntô mentri dâ staciuna 2001-02 nu cutidianu di pisatura nazziunali svurgìu na nnàcini computirizzata pi capiri quali squatra, a liveddu eurupeu, avissi lu megghiu càuciu. La squatra prima 'n classìfica arrisurtau èssiri propiu lu Paternò allenatu di Pasquali Marinu.

Palmares[cancia | cancia la surgenti]

  • 1 prumuzzioni dâ Seria B â Seria A (2006)
  • 4 prumuzzioni dâ Seria C2 â Seria C1 (1989, 1990, 2002, 2003)
  • 2 prumuzzioni dâ Seria D â Seria C2 (1995, 2001)