Palora (discursu)

Dâ Wikipedia, la nciclupidìa lìbbira.

La palora è nu discursu. È nu sonu o nu gruppu di sona fatti pi nnicari na cosa o nu pinzeri, na rapprisintazzioni simmòlica di cosi o di pinzera.

Nta stu cuntessu, stamu parrannu chiuttostu dû plurali chi nzèmmula cumprènninu lu raggiunamentu o tema di nu discursu.[1]


Modi di diri[cancia | cancia la surgenti]

  • palori di lignu - quarchiccosa ditta 'n modu scunziddiratu
  • palori azzuccati; palori ncasiddati - nu discursu furzutu
  • palori persi! o palori appizzati! - cunzigghi dati a na pirsuna chi nun pigghia nuddu cuntu
  • si cci hannu a scippari dâ 'ucca - di unu chi parra assai, o adaciu, o chi sta ascutannu senza mai rivilàricci zoccu sta pinzannu
  • cascari li palori di la 'ucca - rifirisci a unu chi nun sapi a ncuminzari nu discursu, o cunchiudìricci
  • ristrìnciri li palori - rifirisci ôn discursu chi cunchiudi prestu
  • diri du o quattru palori a unu - fari nu discursu di curta durata
  • mèttiri boni palori - ntramintìrisi tra dui chi sunnu sciarrati
  • li palori sunnu comu li cirasi - quannu ncummenza nu discursu, cuntìnua fàcili
  • e' tuttu palori! - unu chi parra assai ma travagghia picca
  • fari jiri na cosa 'n palori - mannari quarchiccosa pî longhi, pigghiari tempu
  • fari palori (cu unu) - litigari [2]

Rifirimenti[cancia | cancia la surgenti]

  1. Centro di Studi Filologici e Linguistici Siciliani (1977-2002) Vocabolario Siciliano, 5 vulumi a cura di Giorgiu Piccittu, Catania-Palermo.
  2. Centro di Studi Filologici e Linguistici Siciliani (1977-2002) Vocabolario Siciliano, 5 vulumi a cura di Giorgiu Piccittu, Catania-Palermo.


Lingua Siciliana
Cosi di tutti jorna - Azzioni umani - Prufissioni - Sprissioni Tipici - Lingua Siciliana