Palizzata

Dâ Wikipedia, la nciclupidìa lìbbira.
Taunusstein - Limes Wachturm.jpg

La palizzata è na custruzzioni difinsiva, nu muru furmatu cu pali n lignu cunficcati nnû tirrinu.

Tipica custruzzioni[cancia | cancia la surgenti]

Ê na custruzzioni cumposta di trunchi d'àrbulu di nichi e menze diminsioni uniti virticarmenti, sinza spazziu tra ri iddi. I trunchi cu na punta ncapu, vinìanu cunficcati nnû tirrinu e a li voti nfurzati cu àutri custruzzioni. L'altizza di na palizzata cancia di picca metri a deci metri. Comu custruzzioni difinsiva li palizzati vinninu spissu utilizzati nzemmula cu travagghi di scavu.

Li palizzati eranu boni pi li furtizzi o àutri furtificazzioni custruuti di primura, da lu mumentu ca eranu di lignu, putìanu èssiri custruiti n vilucitati. Vinni dimustratu ca eranu ncisivi nnû cunflitti a brevi durata, pirò a causa di la custruzzioni n lignu, eranu facili da distruggiri cu lu focu e li màchini d'assèdiu. Spissu na palizzata putìa èssiri custruuta ntornu a nu casteddu, finu a quannu nun fussi erettu nu muru n petra, comu spissu vinìa nnà Nova Francia.

Usu[cancia | cancia la surgenti]

Stockade (PSF).png

Li greci e li rumani criaru palizzati pi pruteggiri lu loru campu militari, lu stòricu Titu Liviu, discrivi lu metudu grecu comu nfiriuri a chiddu di rumani duranti la sicunna guerra di Macidonia. Chiddi ri greci eranu troppu granni pi putiri èssiri traspurtati cu facilitati, e troppu luntani, facilitannu lu nimicu ca criava nu spazziu pi tràsiri. Ô cuntrariu chiddi di rumani eranu cchìu nichi, ma custruuti cchìu vicini, rinnennu cchìu difficili l'attaccu nimicu.

L'usu di palizzata vinni fattu puru nnû sud-est dî Stati Uniti, comu pi èsempiu nnû situ di Cahokia n Collinsville (Illinois). Na palizzata di lignu cu na seri di turri di vinni truvatu a lu Tumulu dû Monacu e lu Grand Plaza. Archioluggi truvaru provi dî palizzati duranti li scavi dâ zona, e la prova ca foru custruuti cchìu voti n àutri pusizzioni. Nna l'Àfrica dû Sud nveci oggi addivintau nu mezzu pi priviniri la criminalitati.

Àutri pruggetti[cancia | cancia la surgenti]

Commons
Lu Wikimedia Commons havi 'na catigurìa cca conteni media su Palizzata