Nauru Air Corporation
Nauru Air Corporation (NAC), chi òpera cummircialmenti cû nomu di Nauru Airlines (succissuri dî vecchi marchi Air Nauru e Our Airline), è la cumpagnìa aèria nazziunali principali di Nauru, la repùbblica ndipinnenti cchiù nica dû munnu.[1]
La cumpagnìa vinni funnata ntô 1969 cu lu nomu di Air Nauru e s'accupa dâ gesticioni di tutti li sirvizzi aèri di stu statu ìsulari. Effèttua na riti di voli ntirnazziunali rigulari chi cullega diversi ìsuli dâ Oceania cu l'Australia. Mantiini la sô sedi ligali nta l'ambienti di l'Ariuportu Ntirnazziunali di Nauru, ntô distrittu di Yaren, mentri l'ufficiu amminisstrativu e finanziariu (chi è cunzidiratu lu sô centru d'affari principali) s'attrova a Brisbane, ntô statu australianu dû Queensland.[2]
Ntô agustu dû 2014, la cumpagnìa accuminzàu nu prucessu di canciu di màrchia (rebranding), canciannu lu sô nomu cummirciali di Our Airline a Nauru Airlines, cu l'obbiettivu di rinfurzari la sô idintitati nazziunali.[3] Ntô 2020, la cumpagnìa cilibbràu li sô 50 anni di attivitati nta la riggiuni dû Pacìficu cintrali e miridiunali, un traguardu chi vinni onoratu cu la cunzigna di n'onorificenza cummemorativa di parti di l'allura Prisidenti dâ Repùbblica di Nauru, Lionel Aingimea (mannatu 2019–2022), lu 14 di frivaru di dd'annu.[4]
Nauru Airlines òpera sutta li rigulamenti dâ l'aviazzioni civili di l'Australia finu dû 1996, quannu uttinni lu Curtificatu di Upiraturi Aèriu australianu (AOC). Ntô agustu dû 2024, la cumpagnìa uttinni lu ricanuscimentu di l'ispezzioni di sicurizza upirativa dâ IATA (IATA Operational Safety Audit – IOSA), chi è nu standard glubbali pi la sicurizza e lu rispettu dî liggi.[2]
Sturicamenti, la flota dâ cumpagnìa si basàu supratuttu supra la famigghia di apparecchi Boeing 737, vulannu in modu attivu, nzinu a maju dû 2026, versu novi distinazzioni principali nta setti paisi dâ l'Oceania,[5] tantu pi lu sirvizziu cummirciali di trasportu passiggeri quantu pi lu trasportu di merci e beni di cunsumu.
Còdici
[cancia | cancia lu còdici]- Còdici IATA: ON
- Còdici ICAO: RON
- Callsign: AIR NAURU
Riferimenti
[cancia | cancia lu còdici]- ↑ nauru.gov.nr, https://www.nauru.gov.nr/about-nauru.aspx.
- 1 2 nauruair.com, https://www.nauruair.com/about-us.
- ↑ web.archive.org, https://web.archive.org/web/20140717183455/http://fijione.tv/naurus-airline-rebrands-as-nauru-airlines/.
- ↑ nauruair.com, https://www.nauruair.com/about-us/news-hub/it039s-our-50th-anniversary.
- ↑ nauruair.com, https://www.nauruair.com/destinations.