Ntiressu

Dâ Wikipedia, la nciclupidìa lìbbira.

Lu ntiressu (o ntressu) è la summa duvuta comu cumpenzu p’uttèniri la dispunibbilitati di nu capitali pûn certu pirìudu. Nfatti, l’immubbilizzu di nu capitali (pristatu) è assuciatu a lu costu uppurtunitati di l’accanzati ca lu pristaturi putìa uttèniri mmistennu lu danaru ‘n àutru modu.

Lu tassu di ntiressu rapprisenta, quinni, lu prezzu ca s’havi a paiari pi l'usu dû capitali. È datu dâ diffirenza tra la summa di ristitùiri â scadenza (muntanti) e chidda arricivuta dû dibbituri (capitali nizziali).

Veni difinutu tassu di ntiressu lu rapportu tra lu ntiressu e lu capitali nizziali.

Lu ntiressu pò èssiri carculatu ‘n règgimi di capitalizzazzioni sèmprici o ‘n règgimi di capitalizzazzioni cumposta.

Juridicamenti lu secùnnu è cuncessu sulu ‘n àmmiti ristritti, e è autrimenti paragunatu a usura pi l’elivati ammuntari ca jissi a criari.

Propiu pirchì nun è pussìbbuli agghiùnciri li ntiressi nun paiati â quota di dèbbitu nun estintu (supra lu quali si vannu a paiari ultiriuri ntiressi), cu presta danaru nun è flissìbbuli rispettu a lu paiamentu dî scadenzi pattuiuti.