Necròpuli

Dâ Wikipedia, la nciclupidìa lìbbira.
Jump to navigation Jump to search

La palora necròpuli veni dô grecu nekros, ca voli diri mortu e polis, ca è la cità. Stû temmini s'arrifirìsci a 'n postu undi ci sù tanti tombi, ammunziddàti ca certi vòti sunnu tantu assai ca pàruni nu villaggiu. La necròpuli currispundi ô nostru cimitèru.

Li necròpuli sunu prizziusi ppi l'archiòlugi nun sulu picchì s'attròvunu tanti ripèrti ma picchì càngiunu di forma 'nbasi a la civiltà ca li lassàu.

Nta l'Egittu ci sù veri e propri cità dê morti ca prisentunu n'architittura granniùsa e cumpricata, comu ntô casu dâ necròpuli di Saqqara, di Giza e dâ Valli dê Re. Assai ntirissanti sunu li necròpuli etruschi comu chidda di Taqquinia e chidda di Cevviteri.

Ntâ nostra Sicilia mpurtantissima è la necròpuli di Pantalica ntê vicinanzi di Sortinu. Ma ci ni sunnu macari antichissimi come chidda di Thapsos, ntâ penisula di Magnisi.