Muvumentu dî Furcuna

Dâ Wikipedia, la nciclupidìa lìbbira.
Jump to navigation Jump to search
Lu furcuni, usatu ntê travagghi di campagna, addivintau lu sìmmulu dû muvumentu.

Lu muvumentu dî furcuna è lu muvumentu chi fu all'uriggini di na clamurusa prutesta ca bluccau la Sicilia tutta para tra lu 16 e lu 20 di jinnaru2012. Partuta dî rivinnicazzioni di camiunisti, piscatura, massari e travagghiatura dê campagni, contra l'aumentu dû prezzu dâ binzina di 40% rispettu a n'annu prima, lu muvumentu appi l'adisioni di làrichi parti dâ pupulazzioni di l'ìsula, tra cui, cummircianti, studenti e disoccupati.

Lu muvumentu dî furcuna arrinisciu a bluccari l'attivitati ecunòmica nti cintinara di lucalitati dâ Sicilia, cu n'adisioni â rivorta di quasi tutali. Puru pi chistu lu muvumentu s'addichiara privu di rifirenzi pulitichi e effittivamenti ntê curtei la sula bannera visìbbili era chidda dâ Sicilia.

Lu muvumentu fu accusatu dâ cunfinnustria siciliana di essiri pilutatu di pirsunaggi oscuri liati â destra (Fuzza Nova) oppuru dâ mafia. Nunustanti chistu lu muvumentu appi na certa rilivanza nazziunali cu cumitati ca si furmaru nti vari riggiuni italiani e manifistazzioni e blocchi di prutesta n vari parti dû cuntinenti, supratuttu nti l'Italia dû Sud e n Sardegna.