Muvimentu pâ Nnipinnenza dâ Sicilia Dimucraticu-Ripubblicanu

Lu Muvimentu pâ Nnipinnenza dâ Sicilia Dimucraticu-Ripubblicanu fu nu muvimentu pulìticu siparatista, attivu 'n Sicilia ntra lu 1947 e lu 1949.

Lu MISDR nascìu ntô frivaru dô 1947, di Ninu Varvaru e Antoniu Crisafulli quannu chisti dui sunu custrunciuti a lassari lu Muvimentu Nnipinnintista Sicilianu. Li dui espunenti foru misi 'n minuranza duranti lu III Cungrissu di Taurmina dâ maggiuranza di centru-destra pî mutivi ca nun si sèppiru: pî certuni fû curpa dê latifunnisti ca ammuttàvanu pî na svorta a destra, secunnu àutri a causari la spulsioni foru prissiuni pulìtichi sùpira Varvaru e sô mugghieri dô Partitu Cumunista Talianu, avennu chisti pigghiatu na pusizzioni pruvucatoria ntê cunfrunti dâ prisidenza di Antrea Finucchiaru Aprili. Lu MISDR fu anveci nu muvimentu di manca e di spiraziuni ripubblicana. Lu muvimentu di Varvaru si presentau ê elizziuni dô 20 Aprili 1947 pî l'elizziuni dâ prima Assimblea Riggiunali, unni pigghiau sulu 19.542 voti senza seggi. Dopu li riggiunali lu MISDR scumpari, Varvaru anveci cunfluisci ntê listi dô PCI ntê succissivi elizziuni dô 1955, 1959 e 1963.