Mumpileri

Mumpileri era n'anticu borgu ca s'attruvava ntê pènnici di l'Etna, e a piè dû Munti omònimu ntâ Valli di Dimuni. Lu so tirritoriu si stinnìa dî cunfini cu Niculosi nzinu a l'anticu Malpassu (1669), cuntava circa 628 abbitanti comu arripurtatu nta nu ducumentu datatu 1645 di D.Moncada, «detto casale fa fochi (case) 163. Anime (persone) 628»., e cuntìnua «Il territorio suddetto è lungo un miglio e mezzo di vie e largo un miglio incira. Comprende cento salme incirca».