Miricanu

Cû tèrmini Miricanu si senti a diri nu cristianu dâ Mèrica. Di sòlitu ci si arrifirisci a n'abbitanti dî Stati Uniti. S'avissi macari a diri ca astura eni quasi nu tabbù arrifirìrisi ê pirsuni dâ Mèrica comu "cristiani" picchini la guerra ca chissi stannu facennu cu na cualizzioni ntirnazziunali contra lu tirrurismu glubbali putissi èssiri ntirpritatu comu na guerra di riliggiuni. Ora pirò ntê lizzioni di middi-termi miricani dû 2006 cci anarru li dimucràtici e parissi ca vulìssiru jìrisinni picchini sta guerra ci sta parennu comu a n'àutru Vietnam.

Comu spiker dû Cungressu ora cci anau na certa Nancy Pelosi, dimucràtica, di urìggini taliani, ca ci appi lu ncàrricu pulìticu cchiù àutu ca na fìmmina s'a fidau a aviri finu a stura. Forsi forsi ca chchî fìmmini ô putiri li guerri si facìssiru cchiù picca.