Minchia
Accura: arcuni di li cuntinuti di sta pàggina putìssiru urtari la sinzibbilità di cui li leggi. - Talìa l'avvirtenzi
La minchia è n'accezioni vulgari pi definiri l'òrganu ginitali maschili, zoè lu peni.
"Minchia" è nu tèrmini essinziali diffusu ntô linguaggiu sicilianu pi sprìmiri tanti cosi.
Sunnu tanti li palori dirivati di sta palora, comu la minchiata pi dìciri cavulati, o minchiuni pi discrìviri nu cristianu babbu. Si poti dìciri "minchia!!" comu sclamazzioni quannu quarchidunu ti fà scantari.
L'usu si diffunnìu videmma nta l'àutri dialetti dû sud, p'asempiu lu napulitanu (menchia) nzinu a quannu addivintau nu tèrmini ca si diffunnìu addirittura ntô nord 'n talianu.
Etimuluggìa
La palora minchia diriva dû latinu vurgari «menc'la» ca stava pri «ment'la», sempri dirivannu dû latinu "mèntŭla"
Varianti
Ntô rausanu si dici mmeci "mincia".
Zonna è na parola dialittali usata di l'abbitanti di Mòdica comu sinònimu di minchia, ncapu di nu chianu simànticu ca macari ntirittivu.
Tipicamenti veni usata nfatti nni frasi culluquali e vurgari comu a Chi zonna vuoi? o puru Chi zonna sì?, Zonna a cu' ti criau.
Veni usatu macari figurativamenti rifirutu a na pirsuna stùbbita, comu nnê frasi sì nu zonnu o puru sì na zonna.
Nni autri lingui riggiunali d'Italia è na parola anàluga a cionna, ciunna, ciunno, ciomma.
Àutri significati
Nnô dialettu napulitanu veni a dìciri videmma nu particulari tipu di pisci di mari dittu vurgarmenti videmma Cazzo di re.
Nnê paisi sìculi pagghiri lu mari cû tèrmini minchia di mari si chiama vurgarmenti l'oloturia.
Usu nnâ mùsica
Nnô 1969 Frank Zappa pubbricau na canzuna ca avìa pri tìtulu Tengo Na Minchia Tanta, cu testu n'italianu; a l'internu di l'album Uncle Meat, nuncà parti di l'umònimu film dû 1987.
Lu tèrmini si usau midemma nnâ canzuna Signor Tenente di Giorgio Faletti prisintata ô Festival di Sanremo dû 1994 pri suttaliniari la vita diffìcili di quarchi ripartu dî corpi di pulizzìa. L'intircalari dû riturneddu Minchia signor tenente vinni utilizzata comu sprissioni "forti" assai cumuni a l'internu di sti corpi armati prâ granni prisenza di rapprisintanti urigginari di l'Italia dû sud.
Usu nnâ littiratura
Nnâ littiratura lu tèrmini veni spissu utilizzatu supratuttu nna l'àmmitu di la cumicitati, supratuttu prâ carattirizzazioni dû linguaggiu di pirsunaggi di urìggini miridiunali.
Pri fàciri n'esempru Luciana Littizzetto prubbicau nu libbru titulatu Minchia Sabbry! (idituri Zelig), di unu dî pirsunaggi ca ntèrprita duranti li soi spittàculi di cabaret.