Martiriu dî quaranta surdati (pittura)
Lu martiriu dî quaranta surdati è n'affrescu situatu nti l'Oratoriu di Santa Lucia a Sarausa. La rializzazzioni è stimata tra la fini la l'iconuclastìa e l'occupazzioni àrabba di Sarausa, cioé tra la fini di l'VIII sèculu e la mità dû IX sèculu. Fu truvatu di Paulu Orsi nti nu statu assai ruvinatu. Ntô 2006, l'affrescu fu ristauratu.
L'affrescu rapprisenta la scena dû martiriu dî quaranti surdati rumani, di stanza a Sebasti, e chi ntô 320 nun rinnigaru la fedi cristiana, secunnu diversi resucontui di l'èbbica.