Margarituni di Brindisi

Dâ Wikipedia, la nciclupidìa lìbbira.

Margarituni di Brindisi, o Margaritu (Brindisi, 1145 circa – 1197 o 1200), fu n' ammiragliu dû regnu nurmannu di Sicilia. Guidau la flotta nurmanna sutta Gugghiermu II e Tancredi tra lu 1185 e lu 1197. All'inizziu si distinguiu pi azzioni di disturbu contra la flotta bizzantina, occupannu li isuli jonii e Patmos. Guidau na spidizzioni a Cipru di unni turnau cu navi chini di prigiuneri bizzantini. Gugghiermu II lu mannau n Terra Santa pi cummattiri contra Saladinu chi avia cunquistatu Gerusalemmi. Duranti st'opirazzioni sbarcai a Tripoli custrincennu Saladinu â ritirata.

A morti di Gugghiermu, Margarituni turnau n Sicilia, unni fu sustinituri di Tancredi pô tronu nurmannu. Ntô 1190 nun potti difenniri Missina dû saccheggiu dû 4 di uttùviru di Riccardu cori di Liuni. Li urtimi anni sinnaru la fini dû regnu nurmannu. Margarituni arrinisciu sulu a niguzziari la rinnuta di Palermu senza farla sacchiari dî truppi di Arricu VI chi pi doti eriditau lu regnu di Sicilia di so muggheri Custanza di Autavilla, zia di Tancredi, mortu ntô 1194.

Margarituni fu catturatu di lu mpiraturi. Muriu secunnu li funti ntô 1197 o ntô 1200