Lupu mannaru

Dâ Wikipedia, la nciclupidìa lìbbira.

Lu lupunaru eni, sicunnu antichi cridenzi pupulari, n'omu ca, ntê notti di luna china, si trasfurmassi n lupu. Stu canciamentu veni di na mala fattura, dunca li lupunara sunnu criaturi satanichi, addisianu di nutricarisi cu carni crura e sangu cauru e li so vittimi ponnu essiri armali comu pecuri e vacchi ma videmma cristiani!

Nna manera c'eni pi sarvarisi di un lupunaru e fussi chidda di acchianari ncapu nna scala picchì iddi nun sâ firanu, essennu criaturi satanichi nun ponnu avvicinarisi ô celu , accussini si cunta ni la tradizziuni pupulari Siciliana!

Pi sarvari lu "malatu" lupunaru si ci avissi a cafuddari n testa quantu ci nesci anticchia di "sangu malatu", ma siddu si vulissi ammazzari lu lupunaru allura si ci avissi a chiantari un cuteddu o un pugnali d'argentu! N'autra manera p'ammazzari lu lupunaru fussi chidda di darici focu, megghiu quannu ancora n furma umana!

WikiLettera
WikiLettera

Sta vuci è sulu un abbozzu (stub). Siddu vuliti, putiti ammigghiuràrila secunnu li cumminzioni dâ Wikipedia.
Pi l'elencu cumpretu dî stub, viditi la rilativa catigurìa