Lingua tamil

Dâ Wikipedia, la nciclupidìa lìbbira.
tamil

La lingua tamil apparteni â famigghia dî lingui dravìdichi. È la lingua ufficiali dû Statu di l'InniaTamil Nadu, veni parrata ntâ Sri Lanka (nnî banni di Tamil Eelam), è una dî 4 lingui ufficiali dâ Singapura e è 'n minuranza nnâ Malesia videmma.

Littiratura, Alfabbetu[cancia | cancia la surgenti]

La littiratura tamil è ducumintata a partiri dî primi sèculi a.C. - la prima òpira nutata è lu Tolkāppiyam (pi tamil: தொல்காப்பியம்), la cchiù antica grammàtica doppu chidda sanscrita di Pānini (pi sanscritu: पाणिनि). La lingua malayālam (മലയാളം) è strittamenti mparintata ô tamil, essènnusi li dui distinti dû proto-tamil-malayālam a partiri dû VIII sèculu d.C. circa. L'alfabbetu tamil (o cchiù currettu, lu sistema di scrittura sillàbbicu tamil) diriva dû sistema di scrittura Grantha (pi sanscritu, ग्रन्थ).

Grammàtica[cancia | cancia la surgenti]

Lu tamil è na lingua di tipu agglutinanti di tipu SOV: Suggettu, Oggettu, Verbu. Li sustantivi (e pronoma) vennu divisi pi classi ntra razziunali (dèi, umani) e nun razziunali (armali, oggetti, cuncetti astratti). Utilizzannu (forsi ammuzzu) la tirminuluggìa grammaticali dû sanscritu e d'àutri lingui indu-europei, si ponnu distìnguiri armenu 8 casi: numinativu, accusativu, dativu, cumitativu, ginitivo, strumintali, lucativu ed ablativu. Lu vèrbu hava tri tèmpi (passatu, prisenti, futuru).

Sociolinguìstica[cancia | cancia la surgenti]

La lingua tamil (pi tamil: தமிழ்) si carattirizza pi na diglossia ntrâ lingua culluquiali (koduntamil) e lingua furmali (centamil).

Curiusitati[cancia | cancia la surgenti]

La palora catamaranu diriva dû tamil kattu-maram: kattu "attaccari"; maram "àrvuru".

Lijami sterni[cancia | cancia la surgenti]