La nguanta di lu Mpiraturi (diàlugu)

Dâ Wikipedia, la nciclupidìa lìbbira.
Jump to navigation Jump to search

La nguanta di lu Mpiraturi è nu cuntu scrittu nnâ furma di nu diàlugu chi fa parti dî Canti Siciliani na raccolta â cura di Liunardu Vigo pubbricatu ntô 1857.

Stu cuntu è n'asempiu di nu tema assai vecchiu chi s'attrova ntê tradizzioni di tanti paisi. La storia si tratta di na fìmmina maritata e unesta, chi s'attrova nnâ cumpagnía dû re, chi cci lassa la so nguanta ntrâ sò casa. Sta nguanta veni scuperta dû maritu, cu risutratu ca iddu penzi ca lu re cci fici li corna. Cu tempu, tutti tri si cunfrùntanu, e lu re dici ô maritu c'attruvau ddi beddi rappa di racina ma nun si nni manciau di dda frutta. [1]

La furma dû diàlugu è na furma ca s'attrovi assai ntâ littiratura siciliana.

Diàlugu[cancia | cancia la surgenti]

Diàlugu ntra Petru di li Vigni, sò muggheri e lu Mpiraturi Fidiricu II:

Petru:

Una vigna havìa chiantatu,
Ma pi dintra cci havi trasutu
Cui la vigna m'ha guastatu;
Havi fattu gran piccatu,
M'havi fattu tantu mali.

Sò muggheri:

Vigna hè statu e vigna sugnu,
E curata cchiù nun sugnu;
Ma qual'eni la raciuni
Ca nun mi cura lu patruni?

Petru:

Vigna ha'statu e vigna di si',
Ma curata cchiù nun si'
Pi na vranca di draguni
Ca truvau lu tò patruni.

Fidiricu:

Nta ssa vigna ju cci haju statu,
Una frunna haju tuccatu,
Una vranca cci haju lassatu;
Ma ti juru a Diu sacratu
Ca racina nun n'he manciatu.

Petru:

Siddu è comu m'hai juratu
Ca na frunna hai tuccatu,
E racina nun n'hai manciatu,
L'amu quantu l'haju amatu.

Rifirimenti[cancia | cancia la surgenti]

  1. Arba Sicula, Vulumi 4/5, 1983