Kostas Vaxevanis
|
Sta pàggina è òrfana, zzuè nun àvi lijami a tràsiri.
Pi favuri, agghiunci na lijami a sta pàggina e scancella st'abbisu. |
Kostas Vaxevanis ('n grecu: Κώστας Βαξεβάνης) eni nu jurnalista grecu. E' lu pruprietariu e edituri dâ rivista Hot Doc (ca in angrisi significassi "ducumentu càuru").
Vaxevanis nascìu nta lu 1966 a Agia Paraskevi Lesbos e accuminzai a sô carriera jurnalistica ccu Rizospastis nta lu 1988.
E cchiu tardu travagghiau cu jautri jurnali comu Eleftherotypia, Kathimerini, To Pontiki e To Vima.
Nta lu 1991 accuminzau a shcrìviri stori ppi lu canali tilivisivu NET e MEGA, e fici lu jurnalista i verra nta lochi comu a Bosnia, lu Golfu Persicu, a Palistina, lu Kurdistan, l'Arbania e lu Kossuvu.
Hot Doc
[cancia | cancia lu còdici]Nta lu Aprili di lu 2012, Vaxevanis accuminzau a pubbricazzioni di na rivista bisittimanali ciamàta cu lu nomi angrisi Hot Doc.
Nta lu 28 d'Uttùviri 2012 u ristàrru picchini pubbricau nu ducumentu ca si ricìa si ciamàa a Lista i Lagarde: na lista ccu 1.991 nunminativi di crienti Greci c'avièunu cunti bancari nta succursale svizzira râ banca HSBC, punènnu comu ipotisi ca putièunu ssiri ivasuri fiscali.
Ppi stu mutivu â statu 'ncusatu ppi "maniàri cu dati sinsibbili pirsunali".
A Polizzia i Ateni lassàu libbiru a Vaxevanis duoppu na puocu i uri ca u ristàrru.
Mentri ca si ni ija addichiarau a nu jurnalista:
"Lu tribbunali voli addifinniri li vasori fiscali. Jo staju faciènnu sulu lu mo travagghiu. Mmèeci d'arristàri li vasuri fiscali e li ministri rô cuviernu grecu ca janu, stanu circannu d'arristàri a viritati e a libbirtati râ stampa.
Lu 29 d'Uttùviri, u prucissarru ppi "dirittissima".
Cittadini accuminzàrru a criticari lu cuviernu grècu ppâ vilucitati cca utilizzarru mentri ca p'arristari lu Membru rô Parlamentu Grecu Ilias Kasidiaris di lu gruppu d'istrèma dèstra Arba Duràta accuminzarru a viririsi i filini dei ragnateli accussì comu ci stanu mintiènnu 'n saccu ri tièmpu ppi anàlizzari a Lista Lagarde.
Duoppu ca ô ristarru Vaxevanis scrivìu n'articulu ppi lu jurnali britannicu The Guardian addiscriviennu lu sô puntu i vista râ dietroluggìa ca ci stava i rarrièri a pubbricazzioni râ lista.
Lu New York Times cunnannau lu prucessu nta na paggina iditurali antitulata "Lu cuviernu grecu arrèsta lu missàggeru", pricisannu, "Li patruni râ Grecia macàri si fuorru iletti dimucraticamenti avissiru a fari cchiu ttinzioni a vìriri si aisistinu crimini finanziari e fari menu ttinzioni a 'ncriminari i jurnalisti.
Lu prucessu i Vaxevanis' accuminzau lu primu i Nuvèmmiru e finìu lu stessu jornu ccu lu rilasciu.
Mèntri ca lassava lu tribbunali ci rissi ei so paisani 'na frasi i George Orwell:
"Lu jurnalismu è dda cosa ca stampa quarchi cosa ca quarchidunu nun bòli ca si stampa. Tuttu u rriestu ssu pubbrichi rilazzioni".
Lu 16 i Nuvèmmiru li giuddici u minacciarru riciènnuci ca si nun si stapìa mutu ci avissiru fattu n'autru prucessu.