Kale borroka
Kale borroka (n sicilianu "cummattimentu di strata") è nu tèrminu arrifirutu a la azziuna di guerra di citati e di guerrigghia fatti di li nnipinnintisti baschi, n privalenza di li nnividui cchiù juvani e di la manca nnipinnentista. Nzèmmula a l'ETA, li gruppi ca s'addidicanu a la kale borroka arrapprisentanu n'àutru vrazzu armatu e viulentu dâ banna idiulòggica "abertzale".
Li stratiggìi sù chiddi tipichi dâ guerrigghia e di lu vannalismu a fini pulitici e sù arrivurtuti spiciarmenti supra a la prupitati privata e a chidda pubblica di lu Statu spagnolu (raramenti supra a chidda di uriggini furali) : spasciari uffici di li partiti spagnoli, suprattuttu lu PSOE e lu PP, ma videmma àutri partiti comu lu Partitu Nazziunalista Bascu i lu UPN arrumpennu cosi di la genti lijata a sti partiti (camiannu machini, spasciannu casi), spasciannu ATMs, arrumpennu banchi, autubussi, e sciarriannusi a li manifistazziuna, usannu molotov, camiannu cassunetti di la munnizza, ecc.
Ntû mentri di la arrinnutta di l'ETA di lu marzu 2006 a lu 2007, la kale borroka nun accabbò. Nti lu nuvèmmiru 2006, Arnaldo Otegi mèmmiru purtavuci di lu partitu bascu Batasuna, illigalizzatu pi vicinanzi cu la banna siparatista, ci nunziò a lu cuvernu spagnolu e a lu Partitu Nazziunalista Bascu ca tutti li furma di viulenza, suprattuttu la kale borroka, avissiru pututu èssiri scancillati n canciu di la mmunitati.