Jurnata ntirnazziunali dû travagghiu
La jurnata ntirnazziunali dû travagghiu è na jurnata cilibbrata lu Primu di Maiu di ogni annu cu lu scopu di arricurdari l'impegnu di li muvimenta sindacali e l'obbiettivi ca fuorru raggiunti 'n campu icunomicu e suciali dî travagghiatura. La festa dô travagghiu eni arricanusciuta nta nu munzieddu di nazzioni dô munnu ma no nta tuttu.
Uriggini 'ntirnazziunali
[cancia | cancia la surgenti]A essiri cchiù pricisi, cu sta festa s'intenni arricurdari li lutti upirai pi cunquistari lu dirittu di l'urariu di travagghiu fissatu nta ottu uri. La Prima ntirnazziunali addumannau appoi chi li liggislazzioni fussiru appruvati puru 'n Europa.
L'uriggini di sta festa arrisali a na manifestazzioni urganizzata nta li Stati Uniti di li Cavaleri dô travagghiu (Knights of Labor, associazzioni funnata nta lu 1869) a Nova Yorki lu 5 di sittèmmiru 1882.
Duoppu dui anni, nta lu 1884, nta na manifistazzioni simili li Cavalieri dô travagghiu appruvaru na risoluzzioni picchì l'iventu putìa ssiri fattu ogni annu. Autri organizzazioni sinnacali simili comu l'Internazionale dî travagghiatura - ca stapieunu ô cantu di muvimenta sucialisti e anarchici - suggireru comu data dâ festa lu primu maju.
Ma a fari càdiri difinitivamenti la scigghiuta supra a sta data fuorru li 'ncidenti piriculusi ca succirierru nta li primi jorna di maju di lu 1886 a Chicagu (USA) e canusciuti comu "rivolta di Haymarket". Sti fatti appiru lu culmini lu 4 di maiu quannu la polizzia sparau supra li manifestanti pruvucannu nu munzieddu di vittimi.
Chiddu ca tannu era lu prisidenti, Grover Cleveland, ci parsi ca la festa dô primu maggiu avissi pututu siri n'uppurtunitati pp'arricurdarisi di st'episodiu. Succissivamenti, scantannusi ca la cummimorazzioni putìa arrisultari truoppu a favuri dô sucialismu ca stapìa nasciennu, canciau l'uggettu dâ festa supra a l'antica urganizzazzioni di li Cavalieri dô travagghiu.