Jolu di San Jàbbucu
(Rinnirizzata di Jolu di San Jabbucu)
Lu Jolu di San Jàbbucu o Via Làttea è la galassia â quali lu suli apparteni. Si tratta di nu gruppu di miliardi di stiddi di diminsioni e tipi diversi e chi formunu nu discu cu dui vrazza di spirali, di nu diamitru di circa 100.000 anni luci. Siccomu lu suli si trova di dintra, e li stiddi sunnu assai luntani, lu jolu di San Jàbbicu si vidi sutta forma di na striscia biancastra chi attraversa tuttu lu celu. Lu nomu Jolu di San Jàbbicu diriva dû fattu chi pi li antichi pilligrini chi jìvanu a Santiagu di Compostela, la dirizzioni dû viaggiu era sinnata dâ dirizzioni dâ striscia di stiddi chi vidèvunu la notti.