Jesi

Dâ Wikipedia, la nciclupidìa lìbbira.
Jump to navigation Jump to search
Li mura dâ citati di Jesi.

Jesi è nu cumuni di 40.000 abbitanti dâ riggiuni dî Marchi, n prunvincia di Ancona.

La nasciuta di Fidiricu II[cancia | cancia la surgenti]

Lu jornu di Natali dû 1194 Arricu VI di Hohenstaufen s'havia fattu ncurunari re di Sicilia n Palermu. Sò mugghieri Custanza di Autavilla era n viaggiu agghiri la Sicilia, quannu lu 26 di dicèmmiru, lu dumani dâ ncurunazzioni di sò maritu, àppi a frimmarisi propiu n Jesi pi parturiri di nu picciriddu chi appoi addivintò Fidiricu II, mpiraturi dû sacru rumanu mpiru. L'abbinimentu è ricurdatu puru picchì Custanza era quarantina e maritata di casi novi anni cu Arricu VI, e accussì pi ammazzari li mali lincui, Custanza mmitò ntâ sò tenda n Jesi tutti li fimmini ca vulìanu assistiri ô partu, pi pruvari ô munnu ca fu pì daveru idda a parturiri lu picciriddu.