ITIN-Italimprese Industrie S.p.A.
 |
| St'articulu fa parti dâ seria Trasporti e Vìculi |
| Sizzioni Trasporti... |
|
Trasportu di passiggeri
|
| Sizzioni Vìculi... |
|
Menzi di trasportu |
La fràbbica ITIN, (ca veni a diri Italimprese Industrie) fu nu custruttori ferruviàriu, ca facìa parti dô "Gruppu Rendu", ca nascìu prima comu IMPA S.p.A. ntê primi di l'anni uttanta e appoi canciàu lu sò nomu cu chiddu di ITIN ncurpurannu l'azzienni SAEM S.p.A. di Roma, IMPA S.p.A. di Catania e TECNAM di Milanu, tutti fràbbichi dô sitturi dê custruzzioni miccànichi, carpintirìi matàllichi e custruzzioni di menzi ferruviàrii pi trenu, locomutivi e automutrici e di sirvìzziu comu li motucarrelli pi fari spizzioni e cuntrollu di lìnii. Li stabbilimenti e l' uffici principali l'avèvanu ntâ Zona nnustriali di Catania- V° Strata e accurpàvanu n'ària di 35.500 m². Lu travagghiu di cchiù pristiggiu l'àppiru ccu la mpurtanti cummissa ppi la custruzzioni e lu muntaggiu dê locomutive alettrònichi E.652 dê Ferruvìi dô Statu, comu suttacummissa di l' Ansaldu Trasporti, ma cu l'ùrtimu òrdini, la cunsigna dâ locomutiva E.652.161, ntô jinnaru dô 1996, l' ITIN chiudìu e cissau la produzzioni. Ntô 1994 la socità avìa trasutu 'n crisi fallimintari. Li stabbilimenti vìnniru misi a l'asta ntô 2006.
Le megghiu pruduzzioni di l'ITIN
[cancia | cancia la surgenti]- Locomutiva DE.122 di 1220 kW, ppê Ferruvìi dô Sud-Est e ppi l' ACT di Riggio Emilia: 5 menzi
- Automutrici FCE ADe 21 pâ Ferruvìa Circumetnea: 5 menzi (ADe21-25)
- Motucarrelli di sirvìzziu pê Ferruvìi dô Statu: ? unità
- Carrozzi ferruviàrii tipu Z pê Ferruvìi dô Statu
- La Locomutiva FS E.652 fu pruduciuta ntra lu 14 di dicèmmiru 1991 e lu 5 di maju 1993 cunsignannu l'unità dô 652.008 ô 026 di la 1 sèrii e ntra 16 di dicèmmiru 1993 e l'11 di jinnaru 1996 chiddi ccô nùmmiru 652.107, 108 e di 157 a 161.