Hugo Steinhaus

Dâ Wikipedia, la nciclupidìa lìbbira.
Jump to navigation Jump to search
Hugo Steinhaus

Wladyslaw Hugo Dionizy Steinhaus (* Jasło (Pulonia), 4 di jinnaru 1887, † Breslavia (Pulonia), 25 di frivaru 1972) era nu matimàticu pulaccu, ntra li leader dâ accussì diciuta scola matimàtica di Liòpuli.

Stainhaus studiau matimàtica a l'Univirsitati di Liòpuli e di Gottinga, unni si pigghiau nta lu 1919 lu dutturatu di ricerca cu la tesi Neue Anwendungen des Dirichlet'schen Prinzips (Novi appricazzioni di lu principiu di Dirichlet). Nta lu 1917 uttenni a Liòpuli l'autorizzazzioni a lu nzignamentu e nta lu 1918 pubbricau lu nutìvuli artìculu Additive und stetige Funktionaloperationen. Nta lu 1920 addivinìu prufissuri a l'universitati di Liòpuli.

Nzèmmula a Stefan Banach, Stanisław Marcin Ulam e àutri, s'uccupau di anàlisi funziunali.

Nta lu 1945 si trasfirìu a Breslavia, unni addivinìu prufissuri di matimàtica ntâ lucali univirsitati. Nta lu 1952 addivinìu mèmmiru di l'Accademia Pulacca di li scienzi (Polska Akademia Nauk).

Steinhaus pubbricau ntô tuttu quasi 250 òpiri, ntra li quali macari libbra di successu supra la matimàtica comu Kalejdoskop matematyczny (1938).

Ntra li sò studenti, cumpàrinu pirsunaggi comu Stefan Banach, Mark Kac e Zygmunt William Birnbaum.