Gruppu (nudu ntricatu)

Dâ Wikipedia, la nciclupidìa lìbbira.
Nu gruppu.

Lu gruppu (spissu prunuciatu ruppu) è nu nudu ntricatu, nu gruvigghiu. Si pò significari macari lu nudu dâ riti di pisca, o lu nudu ô cannarozzu, zzoè lu pumu d'Addamu. [1]

Modi di diri[cancia | cancia la surgenti]

  • aviri/fàrisi 'u 'ruppu - aviri o fàrisi nu munzidduzzu di sordi
  • 'ruppu a scocca - tipu di gruppu usatu dî marinai chi è fàcili a scugghiàrisi
  • 'ruppu d'acqua - la burrasca, l'acqua a dilluviu, scarramata d'acqua
  • 'ruppu di sangu - sangu quagghiatu, maddoccu di sangu,
  • 'ruppa 'ruppa - chinu di gruppi
  • circari lu gruppu ntrâ jinestra - circari zoccu è mpussìbbili a truvari
  • la corda è gruppa gruppa , cci va ntô menzu cu nun cci curpa - spissu li nnucenti pàganu pî curpèvuli [2]

Pruverbi[cancia | cancia la surgenti]

  • Ogni gruppu veni a lu pèttini. (cc'è sempri la suluzzioni p'ogni difficurtati) [3]

Rifirimenti[cancia | cancia la surgenti]

  1. Centro di Studi Filologici e Linguistici Siciliani (1977-2002) Vocabolario Siciliano, 5 vulumi a cura di Giorgiu Piccittu, Catania-Palermo.
  2. Centro di Studi Filologici e Linguistici Siciliani (1977-2002) Vocabolario Siciliano, 5 vulumi a cura di Giorgiu Piccittu, Catania-Palermo.
  3. Arba Sicula, vulumi 6, 1984


Lingua Siciliana
Cosi di tutti jorna - Azzioni umani - Prufissioni - Sprissioni Tipici - Lingua Siciliana