Gruppu (nudu ntricatu)
(Rinnirizzata di Gruppiceddu)
Lu gruppu (spissu prunuciatu ruppu) è nu nudu ntricatu, nu gruvigghiu. Si pò significari macari lu nudu dâ riti di pisca, o lu nudu ô cannarozzu, zzoè lu pumu d'Addamu. [1]
Modi di diri
[cancia | cancia lu còdici]- aviri/fàrisi 'u 'ruppu - aviri o fàrisi nu munzidduzzu di sordi
- 'ruppu a scocca - tipu di gruppu usatu dî marinai chi è fàcili a scugghiàrisi
- 'ruppu d'acqua - la burrasca, l'acqua a dilluviu, scarramata d'acqua
- 'ruppu di sangu - sangu quagghiatu, maddoccu di sangu,
- 'ruppa 'ruppa - chinu di gruppi
- circari lu gruppu ntrâ jinestra - circari zoccu è mpussìbbili a truvari
- la corda è gruppa gruppa , cci va ntô menzu cu nun cci curpa - spissu li nnucenti pàganu pî curpèvuli [2]
Pruverbi
[cancia | cancia lu còdici]- Ogni gruppu veni a lu pèttini. (cc'è sempri la suluzzioni p'ogni difficurtati) [3]
Rifirimenti
[cancia | cancia lu còdici]- ↑ Centro di Studi Filologici e Linguistici Siciliani (1977-2002) Vocabolario Siciliano, 5 vulumi a cura di Giorgiu Piccittu, Catania-Palermo.
- ↑ Centro di Studi Filologici e Linguistici Siciliani (1977-2002) Vocabolario Siciliano, 5 vulumi a cura di Giorgiu Piccittu, Catania-Palermo.
- ↑ Arba Sicula, vulumi 6, 1984