Giuvanni Skylitzes
Giuvanni Skylitzes (Ioannes Scylitzes, n grecu Ιωάννης Σκυλίτζης) fu nu storicu e nu giurista bizzantinu dû XI sèculu. Secunnu Seibt, Skylitzes nasciu forsi tra lu 1040 e lu 1045 e muriu doppu lu 1101.
Lu sò travagghiu principali è la Sinossi dâ storia (Synopsis historiarum, n grecu Σύνοψις ἱστοριῶν), chi pigghia lu pirìudu chi va dâ morti dû mpiraturi Nicefuru I ntô 811 â dipusizzioni di Micheli IV ntô 1057. Esisti puru na cuntinuazzioni di stu travagghiu la cui attribbuzzioni a iddu nun è sicura.
Na copia dû XII sèculu dâ sò Sinossi, scritta n Sicilia, agghicau nzinu a nuatri, eggh'è â Bibliuteca Nazziunali di Spagna a Madrid. E' lu ducumentu bizzantinu cchiù riccamenti illustratu agghicatu nzinu a nuatri. Lu manuscrittu sicilianu cunteni cchiossai di 500 miniaturi, ma nun si sapi siddu sti miniaturi sunnu na copia dî miniaturi urigginali di Sklylitzes o òpira dû cupista sicilianu.
Bibbliografìa
[cancia | cancia la surgenti]W. Seibt: Johannes Skylitzes: Zur Person des Chronisten, Jahrb. Österr. Byz. 25 (1976) 81-85.