Giuvanni Rubbertu Di Mauru

Giuvanni Rubbertu Di Mauru ntô 2006

Giuvanni Rubbertu Di Mauru (o, 'n lingua taliana, Giovanni Roberto Di Mauro) (Girgenti, 27 di giugnu 1956) è n'omu pulìticu sicilianu.

Diplumatu ô Scintìficu, dipinnenti pùbblicu. Già scrivutu ntâ Dimucrazzìa Cristiana, trasi attuarmenti ntô Muvimentu pi l'Autonumìa.

Hà statu diputatu ntî l'Assimbrea Riggiunali Siciliana ntâ XIII e XIV liggislatura.

Hà statu eliggiutu diputatu ntô 2006, ntâ prima circuscrizzioni dâ Sicilia pâ lista cugnunta "Pattu pi l'Autonumìi" accurdatu ntra Lega Nord e MPA. Trasi ntâ cumpunenti MPA dû gruppu mistu e addiveni membru dâ Cummissioni Difesa. Lu 17 di giugnettu dû stissu annu pirò duna li dimissioni dâ Càmmira dê Diputati, lassannu lu sò postu a Petru Rau e jennu a guidari lu gruppu parlamintari MPA di l'Assimbrea Riggiunali Siciliana.