Giuvanni Belluardu
|
Sta pàggina è òrfana, zzuè nun àvi lijami a tràsiri.
Pi favuri, agghiunci na lijami a sta pàggina e scancella st'abbisu. |
Ducenti di psicoluggìa suciali pressu la facultati di Scienzi Pulìtichi di Catania, Giuvanni Belluardu è nu psicòlugu mudicanu ca pubblicàu vari òpiri:
- Ntô 1976 Cuntadini 'n Sicìlia. Prubblemi psicusuciulòggici do sottosviluppu nta l'aria ibblèa, unni veni prisintatu lu panurama icunùmicu di la pruvìncia di Rausa ca fà da sfondu alla rialitati suciu-culturali di li cultivaturi ntirvistati.
Ntô progettu veni diliniata la struttura di lu priggiudìzziu èttinnicu nta li rapporti tra li cuntadini e li abitanti di li centri urbani, cu na trattazzioni di la pircizzioni di l'auturitati, di la frustrazzioni e di l'aggrissivitati. - Ntô 1992 L'insignanti, l'alunnu e lu spècchiu. Rilazzioni d'aiutu e supravvivenza psiculòggica, ca spiega comu tra sti dui figuri trasi 'n attu nu jocu pi cui iddi affruntunu nu prubblema di difinizzioni di li idintitati e di supravvivenza psiculòggica, ca li porta a dimulìrisi a vicenna.
Accussì l'insignanti, comu quassìasi àutra figura ciunvulgiuta nta li "prufissiuni d'aiùtu" (psicutirapèuta, mèdicu, sacirduti eccitra) pò arrivari a pèrdiri la fiducia nta la propria cumpitenza prufissiunali.
Nta l'òpira veni pirtantu tracciata na mappa di rèuli e pririquisiti pi ampustari lu cuntestu di li rilazzioni d'aiutu. - Ntô 2003 Idintitati a cunfruntu: lu prucessu si supirvisioni.
- Sempri ntô 2003 Sirvizziu suciali e tirucìniu. Pircursi di qualitati, nu testu ca custituisci lu primu di na serii di matiriali 'n'usu nta lu cursu di làuria in Scienzi dô Sirvizziu Suciali e ca ilabura na riflissioni su di li aspetti dô tirucìniu comu mumentu qualificanti nta la furmazzioni di l'assistenti suciali.
- Nfini ntô lu 2006 Ogniddunu stapi sulu? L'iu e l'àutru: artruismu e spittativa d'idintitati, n'òpira ca studìa arcuni particulari diminzioni di li rilazzioni artruìstichi.
L'artruismu nun è vistu comu nu finòminu uccasiunali, ma na struttura pirmanenti, affittiva e cunuscitiva di li rapporti umani.
Lu testu ducumenta n'indagini cundutta supra nu campiuni di 800 suggetti, sicunnu la quali si cumprendi ca l'azzioni artruistica ha èssiri disintirissata, pigghia sensu sulamenti 'n cundizzioni di libbirtati e si còniuga cu la vicinanza impatica.
Veni macari messu 'n supirfici n'àutru finòminu pi cui lu gestu artruìsticu si sviluppa attraversu nu prucessu imuzziunali cumpressu ntô quali, accantu a la cundivisioni, emergi na sinzazzioni di disàgiu e quinni s'avverti l'isigenza di mèttiri tra sè e l'àutru na distanza imutiva.
Li cunzidirazzioni finali sunnu ca l'artruismu è quinni furtimenti currilatu a na spittativa d'idintitati, picchì si chista nun ci fussi si rischiassi di vìviri nta nu munnu unni nuddu s'accurgissi di nuddu picchì nuddu s'accurgissi di sì stissu.