Giuseppi La Delfa

Dâ Wikipedia, la nciclupidìa lìbbira.
Jump to navigation Jump to search

Giuseppi La Delfa sarausanu d'aduzioni, è nu jurnalista pubbricista, pueta 'n lingua siciliana e taliana, scritturi, drammaturgu , atturi e riggista pi passatempu, sociu di l'Accademia Pen -Club di Milanu , nascìu a Àsaru lu 14 di giugnu 1944, di patri liunfurtisi e matri di urigini catanisa. Sta di casa a Sarausa di quarchi 48 anni, ma pi li so' tanti 'ntiressi, si movi cuntinuamenti 'ntra Catania, Sirausa,Missina e Milanu.

Havi na làuria 'n Scenzi di la furmazzioni(Cumunicazioni) cu na Tesi supra a la Puitessa Alda Merini.
, Uora si stà spicializzanu in Scienzi cugnitivi e Piscolugia. Hà fattu tridici pubblicazzioni e n'àutra sta pi èssiri stampata, spartuti 'n puisìi, cunti, teatru, 'ngiurii, curtura e saggistica siciliana, antuluggìi e rivisti 'n cullabburazioni cu assuciazzioni culturali sarausani, catanisi e rumani. Hà participatu a assai cuncorsi littirari e, 'n quarant'anni, hà avutu tanti ricunuscimenti e premi ,mpurtanti. E' cavaleri di lu Santu Sepolcru di Gerusalemmi

Zoccu hannu dittu d'iddu[cancia | cancia la surgenti]

G. Barlotta: «passa di la puisìa a lu tiatru, iddu stissu attori e riggista, ammustra lu sò èssiri sicilianu puru, sinceramenti e prufunnamenti nnamuratu di la sò terra.»;
I. Buttitta «è quattru voti pueta, zoè di l'A a la Z e comu granni mèritu havi chiddu d'aviri fattu canusciri a lu munnu li Pruverbi siciliani traduciuti 'n quattru lingui.»;
S. Correnti: «arrinnuvannu li fasti di scritturi siciliani comu Luigi Capuana e Ninu Martogliu, fà rivìviri nti sta sò brillanti òpira tutta na sèrii di “tipi paisani” traspunennu nti sta sò prigevuli raccolta tuttu l’amuri ca iddu giustamenti havi pi la nostra bedda ìsula di Sicilia». Pieru Filloley: La Delfa,canta gioi e emuzioni. Veronica Tomassini: La Delfa Mette a nudu 'a sò anima si sicilianu puru.

Asèmpiu dâ sò puisìa[cancia | cancia la surgenti]

Pinzeri

Cu camina attruppica
L'acqua ca curri nun viri 'i stiddi.
Cu camina si scorda 'i fastorni,
E cu si ferma, si metti a sunnari.


Donna Mara

Tu mi dicisti ca si 'na sincera iù ti dicu ca si donna amara pi tia nun mancu di jri 'n jalera perdu la libirtà chè tantu cara.

Si 'na civetta 'na gran civittuna ca zziti nn'hai chiù di 'na trintina. A mia mi vò mittiri la cruna, babbasuna a mè zzita è Aitina .

Pi zzitu cc'hai a Ninu, a Turi , a Saru Minicu,Ntoni,Pippinu, Affiu e Sinceru ma cc'ha statu Tanu, Puddu e Maru ca t'hannu tiratu 'u sucu pi daveru.

Lijami di fora[cancia | cancia la surgenti]

Situ ufficiali di Giuseppi La Delfa Sociu effettivu di la fumusa Accademia 'nternaziunali Pen-club di Milanu Sociu onorariu di Arcadia 88 associazioni Sarausana di musica lirica e puisia Sociu onorariu di MarranzAtumu associazioni puetica di Catania Sociu onorariu di Ethos , assocoiazioni curturali di Viagranti (Ct) Sociu Onorariu di ASAS , associazioni di pittura e Puisia di Missina