Giorgiu de Chiricu
|
Giorgiu de Chiricu (Volos, 10 di giugnettu 1888 - Roma, 20 di nuvèmmiru 1978) fu nu pitturi italianu, nasciutu 'n Grecia.
De Chiricu fu lu criaturi dâ pittura metafìsica, ca nfluinzau appoi lu surrialismu. Li sò òpiri cchiù abbanniati hannu immàggini di sonnu, pupulati di balconi rumàntici, ùmmiri, manichini, treni e pruspittivi illòggici. Succissivamenti, fici parti dû muvimentu surrialista nzinu ô 1926.
Cû tempu, s'alluntanau di l'arti muderna, studiau li tècnichi di pittura tradizziunali, e 'n sècutu travagghiau ntê stili niuclàssici e niubaròcchi, rivisitannu li temi metafìsici dî sò primi òpiri.