Gastrectumìa

Dâ Wikipedia, la nciclupidìa lìbbira.
Croce bianca e rossa.png La nfurmazzioni ripurtata ccà sutta riteni sulu nu scopu llustrativu: nun si ntenni d'èssiri né na rifirenna né nu cunzigghiu mèdicu.


La gastrectumìa è l'opirazzioni chirùrgica chi cunzisti ntû tagghiu parziali o tutali dû stòmacu.

Stomach002.svg

Si ricurri a sta tècnica pi tutti li malatìi dû stòmacu chi hannu pirtinenza chirùrgica, sparti dî vozzi binigni nichi. Praticamenti, li principali applicazzioni sunnu: ùlcira gastru-duodinali cumpricati (percia, murraggìa, apprèttitu di na vina) e carcinoma gàstricu.

Tipi[cancia | cancia la surgenti]

Si distìnguinu tri tipi di gastrectumìa:

  • gastrectumìa allargata
  • gastrectumìa tutali
  • gastrectumìa parziali.

Gastrectumìa allargata[cancia | cancia la surgenti]

Cunzisti ntû tagghiu di tuttu lu stòmacu e dî tissuti cèllulu-linfàtici vicini.
Veni affittuata suprattuttu 'n prisenza di cancru ô stòmacu.

Gastrectumìa tutali[cancia | cancia la surgenti]

Cunzisti ntû tagghiu dû stòmacu, dû cardias â vucca di vudeddu.
Lu mugnuni di cannarozzu veni culligatu drittamenti ô ntistinu ìleu o ô colon, e crisci allargànnusi prugrissivamenti e rinesci a furmari na speci di stòmacu novu (neostòmacu). Asisti puru na gastrectumìa suttatutali cu dui tipi d'opirazzioni:

  1. Gastruenterostumìa a Y (o gastruenterostumìa secunnu a Roux): un mugnuni di stòmacu veni culligatu c'un stremu sizziunatu di curva ntistinali, quindi si cullega lu duodenu latiralmenti a la curva ntistinali stissa
  2. Anastomosi a ω (o gastruenterostumìa secunnu a Bilroth II): culligannu lu mugnuni câ cunvissità d'una dî primi curvi ntistinali, chi veni disposta a furmari la littra greca omega majùscula.

Gastrectumìa parziali[cancia | cancia la surgenti]

Cunzisti dû tagghiu di na parti dû stòmacu. La riduzzioni abbeni 'n quatri patològgici chi hannu sedi elettiva ntô tissutu custitutivu dû stòmacu, quali l'ùlcira gàstrica e l'ùlcira duodinali.
Lu tagghiu cumporta quasi sempri l'eliminazzioni puru dâ vucca di vudeddu. Lu trànzitu dû stòmacu ô ntistinu veni assicuratu di na gastruduodinustumìa, cchiù friquentimenti lu culligamentu abbeni tra lu mugnuni dû stòmacu e lu diggiunu (opirazzioni di Polya, opirazzioni di Finsterer, opirazzioni di Kocher, ecc.).

Cunziquenzi[cancia | cancia la surgenti]

La mancanza tutali o suttatutali dû stòmacu, ìmplica l'ammancata pruduzzioni di sucu gàstricu, di ddà lu gastrectumizzatu ci'havi bisognu di n'alimintazzioni particulari. Lu manciari havi a èssiri particularmenti diggirìbbili e assai frazziunatu nta l'arcu dâ jurnata. Nzèmmula a chissi ponnu èssiri sumministrati puru enzimi prutiulìtici armali o viggitali (tripsina, pepsina, bromelina, papaina, ecc.).

Commons-logo.svg
Nta Commons s'attròvanu àutri mmàggini rilativi a Gastrectumìa.



Midicina
Caduceo.gif Tutti l'artìculi di Midicina | Tutti li Malatìi | Spicialità Mèdichi