Funtani Janchi

Funtani Janchi è na frazziuni marittima a 15 km di Saragusa, locu di villiggiatura e turìsimu.

Surgìu nni l'anni '50 dû sèculu passatu grazzi ô boom ecunòmicu dâ pruvincia di Saragusa. L'urbanizzazziuni di Funtani Janchi si spannìu senza mancu nu pianu rigulaturi. A lucalità nfatti si sbiluppau senza i sirbizza essinziali e senza na lòggica funnata ncapu â funziuni ecunòmica e pajisaggistica. Cu tuttu chistu a nòmina dî beḍḍi spraji, dâ rina e dû mari fìciru addivintari sta zona na forti attrattiva turistica.

A mancanza dî sirbizza, dî cunnissiuni stratali, u nquinamentu di l'acqui causatu dî scàrrichi di sintina arridduceru u valuri dâ zona. Nni l'ùrtimi anni pirò fu attivatu finarmenti u sirbizzu di ricota dî scàrrichi: na mancanza stòrica cummigghiata sulu di ricenti.

A zona arresta cumunca nu puntu di rifirimentu pî divirtimenta nutturni.