Funtana Pritoria
La Funtana Pritoria s'attrova nta la citati di Palermu, nta la chiazza omònima. È ditta puru Funtana dâ Vriogna picchì nni idda ci sunnu assai statui di pirsuni senza vesti.
Sta funtana, china di statui di marmu, è cilibbrata comu una di li cchiù mpurtanti e beddi di tutta la Talia. È òpira di lu sculturi Francesco Camilliani, chi la fici ntô piriudu di l'anni 1552-1555. Ci l'avìa ncarricatu Don Pedro di Toledo pi lu jardinu di la so' dimora di Firenzi, però doppu picca tempu murìu e lu senatu di Palermu dicidìu d'accattari sta bedda òpira.
Stu munumentu fu ricurdatu puru ntô Voyage en Italie de Goethe, chi visitau Palermu â fini dû XVIII sèculu.
