Va ô cuntinutu

Funtana Pritoria

Dâ Wikipedia, la nciclupidìa lìbbira.
Funtana Pritoria.
Funtana Pritoria.

 funtana Pritoria è un munumentali manufattu in màrmuru jancu di Carrara edificatu 'ntâ chiazza omònima a Palermu.

Û polu munumentali sorgi longu a via Maqueda (Viciré di Sicilia Bernardino de Cárdenas y Portugal, 3º Duca di Maqueda) vicinu ê Quattru Canti e cumprendi puru: û Palazzu Pritoriu a sud, a chiesa di San Giuseppi di Teatini a punenti, Palazzu Bordonaro e Palazzu Bonocore a sittintriuni, â chiesa di Santa Caterina d'Alessandria d'Egittu dû munasteru fimminili dill'Ordini duminicanu a livanti.

Denuminazzioni

[cancia | cancia lu còdici]

È ditta puru funtana dâ Vriogna 'ppâ gran quantità dî statui senza vesti, scarsu pritestu e giustificazzioni 'ppâ vicinanza 'ccâ dimura di monachi dill'Ordini di San Dumìnicu di Guzmàn. Comu istituzzioni â Chiesa di cantu sô, ha giniralmenti sempri tulliratu â nudità 'ntâ l'esprissioni di ogni furma d'arti in tutti l'ebbiche. Quindi, 'ntâ 'stû casu û schittu riferimentu â nudità di tutti i suggetti ha statu sempri pritestu 'ppî cummigghiari magagni, cunsintiri favuritismi e sviari i discussi e raggiunamenti. D'autru cantu unni è scrittu, leggiri si poti e nun si pò ammucciari a virità, û suli 'ccû criu. Sempri secundu funti cetti, cridibbili, affidabbili e oggi, disponibbili e accessibbili.

Î mutivi principali 'ppî tali dinuminazzioni attrova funnamentu 'ppû cunflittu d'interessi amministrativu tra i parti 'n questioni a causa dî summi sprupusitati pagati 'ppâ accattarla favurendu i prupritari vindituri, ô cuntinuu 'llevitari dî costi e all'aumentu sfacciato dill'infiniti spisi accissorie, cifri e gistioni finanziaria ritinuti appuntu "virgugnusi" dâ pupulazzioni.[1]

Rializzata 'ntô 1554 da Francesco Camilliani a Firenzi. Pruggittata 'ppî essiri cullucata 'n principiu 'ntô jardino dû Palazzu di San Clemente, pruprietà dû frati dâ granduchissa Eleonora di Toledo, 'ntô 1581 fù vinnuta ô sinatu palimmitanu (SPQP) e trasfiruta in piazza Pretoria a Palermu.[2][3] Giorgiu Vasari â definìu comu "una fontana stupenda che non ha eguali a Firenze o forse in Italia".

Storia

[cancia | cancia lu còdici]

Rializazzioni fiorentina

[cancia | cancia lu còdici]

 funtana fù cuncipita 'ppû jardinu privatu di don Luigi Álvarez de Toledo y Osorio a Firenzi,[4] supra un tirrenu avutu dê suori dû conventu di San Dumìnicu al Maglio 'ntô 1551 dopu tanti insistenzi. Supra â stissa aria 'cchiù avanti 'ntô tempu, veni costruitu, a pattiri dû 1584, û palazzu di San Clemente, ancora oggi prisenti.

 sistemazzioni dû stranu jardinu, senza un palazzu o costruzzioni 'mpurtanti, e dâ monumintali e scinugrafica funtana furunu cummissiunati da Pedro Álvarez ô sculturi fiorentinu Francesco Camilliani,[5][6][7][3][8] aḍḍevu di Baccio Bandinelli, chi vi travagghiò a pattiri dû 1554.  funtana cumprindia 48 statui, avia dimensiuni nun cumuni 'ppî n'opira non distinata a 'nû spaziu pubblicu ed avia 'nfrunti 'nâ longa pergula furmata da 90 culonni di lignu misi in opira sutta â suvvigghianza di Bartolomeo Ammannati.

Dill'artista fiorentinu su autografi â statua di Vertumno e â vasca dâ statua dû ciumi Oreto, manufatti immidiatamenti identificabbili rispittivamenti 'ccû l'iscrizzioni Opus Francisci Camilliani florentini 1554 e Opus Francisci Camilliani civis florentiae 1555.[9]

L'acquistu dû Sinatu palermitanu

[cancia | cancia lu còdici]

Summersu dî debbiti e prossimu a trasfiririsi a Napoli, don Luigi, grazzie a sô frati don García Álvarez, riniscìu 'ntô 1573 a vìnniri â funtana ô Sinatu dâ città di Palermo[3] essendu û prituri Giovanni Villaraut, baruni di Prizzi, circustanza chi cumpurtò l'appellativu di Funtana dû Prituri.[10] Don Garcia, che era statu viceré di Sicilia, era in boni rapporti ccû Sinatu palermitanu,[6] chi decisi d'accattari â funtana e di muntarla 'ntâ chiazza unni s'affaccia û Palazzu Pritoriu.[11] Luis di Toledo, García Álvarez ed Eleonora di Toledo sunnu 'ntrambi figghi di Pedro Álvarez de Toledo y Zúñiga, viceré di Napoli. Eleonora fu â prima mugghieri di Cosimo I de' Medici.[6]

Û trasportu fu fattu quasi 'nteramenti via acqua: prima su navicelli lungu l'Arnu, appoi supra navi finu a Palermo. Â funtana giunsi 'ntô portu û 26 maju 1574, smuntata 'ntâ 644 pezzi dî quali 112 'mballati 'ntâ 69 cassi.[12] Ppî fari postu â monumintali rializzazzioni, cuncipita 'ppi stari all'apertu, furunu sdirrupate diversi abitazzioni. Â funtana tuttavia non arrivò cumpleta, alcuni sculturi si rovinarunu 'ntô trasportu, mentri autri furunu trattinuti dû pruprietariu. Tra chisti s'hannu a cunsiddirari prubabbilmenti î dui Divinità sarbati 'ntô Museu dû Bargello a Firenze e autri statui chi furunu muntati 'ntô jardinu privatu di don Luigi a Napoli (che â sô morti furunu purtati 'ntô jardinu dû Palazzu di Sotofermoso[13] di Abadía 'ntâ pruvincia di Cáceres, di pruprietà dâ famigghia Toledo). A Palermo furunu quindi nicissari alcuni adattamenti 'ntâ ricomposizzioni dî pezzi e 'nni vinniru junciuti autri.

Rializazzioni palermitana

[cancia | cancia lu còdici]

 cura dâ ricomposizzioni e dill'adattamentu dâ funtana fu affidata 'ntô 1574 a Camillo Camilliani, figghiu di Francesco, che finìu i sô 'nterventi 'ntô 1581,[14] ccû l'aiutu di Michelangelo Naccherino.[3][15] Tra î junciuti di chistu sunu autografi â statua di un ciumi e â fijura di un trituni 'ccû un braccialettu 'ncisu, ricanti â stissa dicitura Opus M. Angelus Nacherinis flor.[9]

Ppî tuttu û XVIII seculu e parti dû XIX seculu fu cunsiddirata 'na specie di rapprisintazzioni dâ municipalità citadina currutta, 'ntâ 'ḍḍî immaggini û riflessû e i pirsunaggi discutibbili dû tempu. Ppâ nudità dî statui, ma soprattuttu ppî sprupusitati spisi pp'accattarla, ô cuntinuu 'llivitari dî costi e â junta continua dî nummurusi costi accissori, cifri ritinuti "viggugnusi",[1] â spianata jè stata suprannuminata "chiazza dâ Vriogna" ("piazza della vergogna") dî palimmitani.

Dopu â rializzazzioni e â misa in opira 'ntô capuluogo tuscanu, â 'randi opira fù smantillata 'ppî essiri rimodulata 'tâ capitali siciliana. Î cintinara di pezzi furunu traspurtati 'ntô 'cchiù vicinu portu tuscanu 'ppî essiri 'mbarcati 'ppû miridioni dâ pinisula, 'ppî poi essiri traspurtati a distinazzioni dô portû finu ô novu cantere. Â nova cullocazzioni cumpurtò â riquisizzioni di diversi fabbricati, â loru dimolizzioni, û 'rrisarcimentu e â ricostruzzioni parziali dî stabbili ê rispettivi pruprietari, i setticenteschi palazzi barunali: palazzu Bonocore e palazzu Bordonaro siparati da 'nâ scalinata supra ô Cassaro.[16]

Ô rimuntaggiu seguìu l'intigrazzione di tutti i pezzi lassati ê Toledo, di chiḍḍi lassati, 'rrialati e rutti 'ntô trasportu, nonchì â rializzazzione di novi elementi secondu û gustu artisticu dû giuvini ed fantasiusu Michelangelo.

'Ntô 1737[17] essendu prituri Luigi, duca Gaetani, si assummanu i costi di pulizia, abbiḍḍimentu e dâ rubbusta canciḍḍata in ferru 'ppî 'llimitari i danneggiamenti e l'opira divastatrici di pupulani e fazzioni campanilistichi d'oltri pruvincia: i scammanati missinisi, chi sfriggiarunu i nasi a parecchi statui. I palemmitani ricambiarunu l'offesa rumpendu l'anulari e mediu dû Nettuno dû Montorsoli, che si truvò a fari î corna ê sô stissi cuncittadini.

Èbbica cuntimpurànea

[cancia | cancia lu còdici]

'Stu munumentu fu ricurdatu puru 'ntô Voyage en Italie de Goethe, chi visitau Palermu 'ntô 1787.

'Ntô 1858, prituri Giuseppe De Spuches, principi di Galati, fu sistimata dô misiru statu in cui virsava a spisi dû Sinatu dô sculturi Rosolino Barbera. 'Ntô 1865 fu 'llivata â vecchia canciḍḍata, azzioni chi fu causa di autri e ripituti danni, prutezzioni chi fu ripristinata 'ntô 1872.[10]

Û 29 e 30 di giugnu 1943 gravi danneggiamenti duranti i bombardamenti da secunda guerra mondiali. 'Ntê sutterranei sutta a chiazza è possibbili visitari unu di tanti rifuggi anti incursioni aerei ancora esistenti.

'Ntô 1973 î Posti Italiani didicaru â Funtana Pritoria un francubullu da 25 Liri.

'Ntô novèmmiru dû 1998 fu 'ntraprisa un'opira di ristauru, chi durò finu ô novèmmiru dû 2003.[14] Â dicèmmiru dû stissu annu â funtana jè stata riapruta e successivamenti jè stata riattivata â circulazzioni dill'acqua.

Mimurabbili i 5 jiorni d'eventi, sfilati e party dâ maison D&G organizzati a Palermu dô 6 ô 10 di giugnettu 2017 'ncluderu a Funtana e Piazza Pritoria comu passerella di sfilata.

 cantanti La Rappresentante di Lista utilizzò â funtana comu scinariu 'ppû lanciu dû singulu Diva pubblicatu û 17 di giugnu 2022.

Discrizzioni

[cancia | cancia lu còdici]
« Fonte stupendissima che non ha pari in Fiorenza. »
(Giorgio Vasari)


 funtana rota attornu un bacinu cintrali circundatu da quattru ponti 'ccû scalinati e da un ricintu di balaustri, l'elevazzioni piramidali è rializzata 'ccû tri vaschi cuassiali dî unni patti û giocu dill'acqua, elementu virsatu dâ sommità da un Bacco, 'ntâ rimodulazzioni palemmitana 'ndintificatu 'ccû Geniu di Palermo.

Û primu ordini arretu â canciḍḍata è dilimitatu di fora da 'nâ gradinata circulari e da 'nâ balaustra intirrutta da quattru passaggi currispundenti ê quattru rampi di scali balaustrati fummati da novi scalini l'una, rampi disposti supra assi urtugonali tra iḍḍi.

I passaggi d'accessu di latu ê fora e î balaustri, a inizziu e fini rampi, prisentunu coppie di pissunaggi mitologgici o fijure alligorichi cullucati supra auti pedistalli.

Monumentu
vicinu 		Varcu sx Varcu dx 1º liveḍḍu sx 1º liveḍḍu dx 2º liveḍḍu sx 2º liveḍḍu dx
N Palazzo Bonocore,
Palazzo Bordonaro
e varco sul Cassaro 		Mercurio[18] N.D. Pomona.[18] Vertumno[19] N.D. Venere
Verticordia[20]
E Chiesa di
Santa Caterina
d'Alessandria 		Adone[21] Venere[21] Trittolemo[22] Cerere[22]
S Palazzo Pretorio Diana[23] Apollo[20] Liberalità[23] Abbondanza o
Ricchezza[23]
O Via Maqueda e
chiesa di San
Giuseppe dei Teatini 		Bacco[22] Ercole[22] Opi[24] Orfeo[24]

'Nâ prima curuna cicculari prisenta 'nâ 'ranni pavimentazzioni pidunali, â secunda curuna 'nterna custituisci â vasca cicculari 'ppâ cugghiuta dill'acqua, a sô vota scavaccata a cruci dî quattru rampi dî scali chi pottunu ô secundu liveḍḍu. Î statui 'nnanzi all'accessu dî rampi prisentunu supra û pedistallu 'nâ cunchitta 'ppî 'rricogghiri l'acqua.

Ognunu dî quattru sitturi ospita 'ntô menzu, ossia 'ntô spaziu fra rampi di scali, 'nâ vasca urnata da gruppi scultorei raffijuranti alligorii di ciumi. Ogni gruppu è fummatu da 'na culussali statua stinnicchiata supra 'na rupi, quali fantasiusa surgenti, atturniata rispettivamenti da un trituni e 'nâ nereidi. Î funti antichi fannu riferimentu ô patri di tutti i ciumi, û corsu d'acqua 'cchiù cunusciuto 'ntô passatu, û Nilo, ai sô dui affluenti e all'Ippocrene, ciumi dâ mitologgia greca. Comu consuetudini, 'ntâ trasposizzioni palemmitana, 'ntâ rinominazzioni opirata da Antonio Veneziano,[10] i quattru gruppi pigghiunu û nomi dî maggiuri corsi d'acqua citàdini. 'Ntô particulari cuntestu storicu 'sti corsi ricopronu rilivanti 'mpurtanza in quantu i letti non suttirrati e î loru sbocchi a mari custituisciunu ancora gran parti dill'approdi naturali dû vastu portu di Palermo, pertantu û munumentu esalta, cilibbra e magnifica attraversu û mitu l'elementu primordiali e tutti l'attività di travagghiu ad iḍḍu culligati.

'Ntâ dislocazzioni origginali î scarni funti ducumentali fiorentini fannu riferimentu ô ciumi Arno e ô sô affluenti û Mugnone, rapprisintati rispettivamenti da dui divinità barbuti, e ancora l'Affrico o û Tevere e forsi û Mensola. Tra â commissioni di don Pedro di Toledo, rializzazzioni, installazzioni, vinnita, trasferimentu, danneggiamentu e rimodulazzioni resta û dubbiu su quanti e quali manufatti giungeru 'ntô chianu Pritoriu. Opinioni cuntrastanti fannu tiurii supra û primitivu nummiru di alligurie, di cetto û 'rossu e ridiculu masculu maturu è un'aggiunta misa dopu, addizzioni prubabbilmenti fatta 'ppî 'ntigrari î nummirusi guasti fatti duranti û trasfirimentu nonchì ppî rennìri armuniusa simmitria ô novu travagghiu, così comu î nereidi, i trituni, l'erme dû cicchiu esternu, 'ccû autri aggiunti dî carattiri caricaturali, ô limiti dû goffu e bizzarru sunu tutti attribbuiti, tanti autografi, ô stilî sfuttenti, gagliardu e scanzunatu di Michelangelo Naccherino.

I ciumi di Palermu

[cancia | cancia lu còdici]
Ciumi origginariu Ciumi rinuminatu
da Antonio Veneziano 		Elementi carattiristici Trituni Ciumi Nereide
NE Nilo[25] Papireto[26] Divinità stinnicchiata supra â roccia, raffijura û portu di Palermu.
Segni carattiristici delfinu e àncora.[26]
SE Nilo azzurro[25] ? Maredolce[26] Naiade curunata 'ccô lauru 'ccâ testa di Medusa, Pegaso
e strumentu siringa dô diu Pan[26]
SO Nilo bianco[25] ? Oreto[25] Masculu maturu barbutu 'ccâ cornucopia, scettru e liuni[27]
NO Ippocrene[25] ? Gabriele o Cariopele[28] 'Rossu masculu maturu 'ccâ quattara[28] e delfinu.

'Ntê sei nicchi ricavati 'ntâ parti 'sterna di ogni sitturi cicculari dû secundu ordini sunu posti altrittanti testi d'animali o mostri mitologgici, 'ppî un totali di 24 figuri, ognuna dî quali versa - dâ bucca o dê naschi - schicci d'acqua 'ntâ vasca ad aneḍḍu.[18] Autri 5 getti partunu dî colonnini dâ balaustrata di supra 'ppî un totali di 20 zampilli aggiuntivi.

  • 56 canali alimentunu autritanti zampilli: 24 getti pattunu dê maschiri d'animali, 20 dê culunnini dî balaustri dû secundu liveḍḍu, 8 'ntê vaschi esterne dî rampi, 4 'ntê vaschi dî ciumi.[3][29] Û cuntu trascura û schicciu autu pressu û Geniu di Palermu.
  • 20 urni: 4 conchi cuassiali e 'nâ pischiera cicculari 'ddivisa in quattru sezzioni, 8 conchi â basi dî divinità esternu rampi, 4 vaschi ciumi.[29]
  • 37 statui: (3 liveḍḍi x 8 statui) 24 divinità, 12 elementi fannu i 4 gruppi dei ciumi, 1 Geniu di Palermu misu 'n cima.[29]
  • 24 testi d'animali e mostri mitologgici 'ncassati 'ntâ pareti cicculari dill'elevazzioni cintrali.[29]


Tra i munumenti d'età medioevalie, tardu-rinascimentali e barocchi dû centru storicu di Palermu, â fontana, chi renni û Chianu Pritoriu un elementu urbanisticu sorprindenti, è unu dî 'cchiù spittaculari dâ citàdi.

Animali esotici e mituluggia

[cancia | cancia lu còdici]
WSW WNW NNW NNE ENE ESE SSE SSW

Noti

[cancia | cancia lu còdici]
  1. ↑ 1,0 1,1 Ulisse: il piacere della scoperta - Il Gattopardo - Video - RaiPlay, su Rai. URL consultato il 24 ottobre 2019.
  2. ↑ Gioacchino di Marzo, op. cit., pp. 810-812 .
  3. ↑ 3,0 3,1 3,2 3,3 3,4 Vincenzo Mortillaro, op. cit., p. 29 .
  4. ↑ Giorgio Vasari, Le vite de' più eccellenti pittori, scultori e architettori, Degl'accademici del disegno, 1568.
  5. ↑ Giorgio Vasari, op. cit., 1568.
  6. ↑ 6,0 6,1 6,2 Touring Club Italiano, op. cit., p. 92 .
  7. ↑ Gaspare Palermo Volume secondo, op. cit., p. 106 .
  8. ↑ Gioacchino di Marzo, op. cit., pp. 386, 388, 616, 773, 811.
  9. ↑ 9,0 9,1 Gioacchino di Marzo, Diari, op. cit., p. 244 .
  10. ↑ 10,0 10,1 10,2 Gioacchino di Marzo, Diari, op. cit., p. 245 .
  11. ↑ Touring Club Italiano, op. cit., pp. 92, 134, 179, 182.
  12. ↑ S. Pedone, La Fontana Patrizia a Palermo, Palermo 1986, p. 168-169.
  13. ↑ 3º Capitolo, seconda pagina, Kelley Helmstutler Di Dio e Rosario Coppel, "Sculpture Collections in Early Modern Spain" [1], Ashgate book.
  14. ↑ 14,0 14,1 Il restauro della fontana Pretoria URL consultato il 30 gennaio 2010.
  15. ↑ Gioacchino di Marzo, op. cit., pp. 812 e 822 .
  16. ↑ Gioacchino di Marzo, Diari, op. cit., p. 243 .
  17. ↑ Gaspare Palermo Volume secondo, op. cit., p. 109 .
  18. ↑ 18,0 18,1 18,2 Gaspare Palermo Volume secondo, op. cit., p. 111 .
  19. ↑ Gaspare Palermo Volume secondo, op. cit., pp. 112, autografa di Francesco Camilliani .
  20. ↑ 20,0 20,1 Gaspare Palermo Volume secondo, op. cit., p. 112 .
  21. ↑ 21,0 21,1 Gaspare Palermo Volume secondo, op. cit., p. 114 .
  22. ↑ 22,0 22,1 22,2 22,3 Gaspare Palermo Volume secondo, op. cit., p. 115 .
  23. ↑ 23,0 23,1 23,2 Gaspare Palermo Volume secondo, op. cit., p. 113 .
  24. ↑ 24,0 24,1 Gaspare Palermo Volume secondo, op. cit., p. 116 .
  25. ↑ 25,0 25,1 25,2 25,3 25,4 Gaspare Palermo Volume secondo, op. cit., p. 117 .
  26. ↑ 26,0 26,1 26,2 26,3 Gaspare Palermo Volume secondo, op. cit., p. 118 .
  27. ↑ Gaspare Palermo Volume secondo, op. cit., pp. 117, opera autografa di Francesco Camilliani datata 1555.
  28. ↑ 28,0 28,1 Gaspare Palermo Volume secondo, op. cit., p. 119 .
  29. ↑ 29,0 29,1 29,2 29,3 Gaspare Palermo Volume secondo, op. cit., p. 110 .

Bibliugrafìa

[cancia | cancia lu còdici]
  • G. Samonà, L'opera dell'architetto fiorentino Camillo Camilliani in Sicilia alla fine del Cinquecento, Industrie Grafiche Meridionali S. A., Messina 1932.
  • S. Pedone. La fontana Pretoria a Palermo. Palermo, Giada, 1986.
  • Giuseppe La Monica (a cura di), Pantheon ambiguo. La fontana Pretoria di Palermo. Palermo, Flaccovio, 1987.
  • [2].
  • [3].
  • [4].
  • [5].
  • [6].
  • AA.VV. Fontana Pretoria - studi per un progetto di restauro. Quaderno di lavoro del Centro Regionale per la Progettazione ed il Restauro e per le Scienze Naturali Applicate ai Beni Culturali, Regione Sicilia. Palermo 1995.
  • A cura di Maria Pia Demma, Giuseppina Favara. La Fontana Pretoria in Palermo: hic fons, cui similis nullus in orbe patet. Assessorato Regionale dei Beni Culturali e Ambientali e della Pubblica Istruzione, Palermo 2006.

Talìa puru

[cancia | cancia lu còdici]
Commons
Commons
Lu Wikimedia Commons havi 'na catigurìa cca conteni media su Funtana Pritoria

Galleria d'immaggini

[cancia | cancia lu còdici]
Pigghiatu di "https://scn.wikipedia.org/w/index.php?title=Funtana_Pritoria&oldid=772956"